ट्विटरची कंगनाच्या बहिणीवर कारवाई; अकाऊंट केलं बंद

अभिनेत्री कंगना रणौत जितकी तिच्या अभिनयासाठी प्रसिद्ध आहे तितकीच तिची बहिण रंगोली चंडेल तिच्या वादग्रस्त वक्तव्यांसाठी. रंगोली सोशल मीडियावर नेहमी अ‍ॅक्टिव असते. सोशल मीडियावर आपलं काहीना काही मत मांडण्यात ती कायमच पुढे असते. तिच्या बेफाम वक्तव्यासाठी ती ओळखली जाते. अलीकडेच ट्विटरने तिला तिचे अकाऊट बंद करण्याची ताकीद दिली होती. मात्र ताकिद देऊन ही रंगोलीने ट्वीट करणं थांबवलं नाही त्यामुळे ट्वीटकरकडून तिचं अकांऊट बंद करण्यात आलंय.


ट्विटरने दिला होता इशारा
कंगनाची बहिण रंगोलीचं प्रत्येक गोष्टीवर काहीना काही मत असतं. तिच्या ट्वीटमुळे ती बर्‍याचदा वादातही पडते. आणि तिच्या या सततच्या वादग्रस्त ट्वीटमुळेच ट्विटरने तिला 'वादग्रस्त ट्वीट करु नका' असा इशारा दिला होता. मात्र तो इशारा न जुमानता तिने ट्विटरकडून मला अकाऊंट बंद केलं जाईल इशारा देण्यात येतोय हे सांगणार ट्वीट केलं होतंं.

ट्विटर देशद्रोही असल्याचा केला होता आरोप
ट्विटरने इशारा दिल्यानंतर रंगोलीने ट्विटर देशद्रोही आहे, तसंच परखड मत मांडणाऱ्यांचा आवाज दाबण्याचा कायम प्रयत्न करतं असे आरोप करणारं ट्वीट केलं होते. ट्विटरला केवळ आम्ही गुड मॉर्निग आणि चहाचे फोटो टाकणं यासारख्या गोष्टी लिहिणं अपेक्षित आहे का? असा प्रश्न तिने विचारला होता. शिवाय अशा किटी पार्टीसाठी वेळ नसल्याचं ही तिने सांगितलं होतं.

आता रंगोली यूट्यूब चॅनेल उघडणार?
रंगोलीने ट्विटर अकाऊंट बंद झाल्यास ती यूट्यूब चॅनेल सुरु करणार असल्याचं सांगितलं होतं. आणि त्या माध्यमातून ती कंगनाचे व्हिडिओज पोस्ट करणार असल्याचं ही म्हटलं होतं. आता तिचं पुढचं पाऊल काय असेल ते पहावं लागेल.
वाचा: सलमान संतापला, डॉक्टरांवरील हल्ल्यावरुन सुनावलं