टायगर आणि अक्षयच्या ‘बडे मिया छोटे मिया ’ चा ट्रेलर प्रदर्शित, हे आहे सिनेमाचं कथानक

मुंबई: बॉलिवूडसाठी मागील वर्ष सुसाट गेलं होतं. लो बजेट आणि बिग बजेट दोन्ही सिनेमांनी बाजी मारत तगडी कमाई केली होती. पण हिंदी सिनेसृष्टीसाठी या वर्षाची सुरुवात निराशाजनक ठरली. आता आगामी काळात काही बिग बजेट सिनेमे प्रेक्षकांच्या भेटीला येणार आहेत. यापैकी एक आहे ‘बडे मिया छोटे मिया ’. या सिनेमाचं ट्रेलर नुकताच प्रदर्शित करण्यात आलाय.


‘बडे मिया छोटे मिया’
टायगर श्रॉफ आणि अक्षय कुमार यांच्या ‘बडे मिया छोटे मिया’ या सिनेमाची गेल्या काही दिवसांपासून चर्चा सुरू होती. अखेर हा सिनेमा लवकरच प्रेक्षकांच्या भेटीला येतोय. या सिनेमाचा ट्रेलर लॉन्च सोहळा नुकताच पार पडला असून, या सिनेमाच्या ट्रेलरची सध्या चर्चा सुरू आहे.


'त्या वेळी जातीचे रंग थोडे फिकट आणि होळीचे रंग थोडे गडद होते',कुशलने सांगितली कशी होती चाळीतली होळी
ट्रेलरबद्दल...
अॅक्शन सिनेमा असल्यानं अर्थातच सिनेमात अॅक्शनचा मारा झालेला ट्रेलरमध्ये पाहायला मिळतोय. अक्षय कुमार आणि टायगर हे दोघे देशावर होणारा दहशतवादी हल्ला रोखण्यासाठी प्रयत्न करताना दिसतात. ट्रेलरच्या सुरुवाताली एक हॅलिकॉप्टर आणि लष्कराच्या गाड्या दिसतात. त्यानंतर मागून ऐकायला येतं की, सगळ्यात घातक शत्रू जो असतो जो मृत्यूला घाबरत नाही. असा शत्रू ज्याला नाव नाही, ना ओळख आहे, ना कोणता चेहरा आहे. ज्याचं लक्ष फक्त एकच ते म्हणजे सूड घेणं'.
लेक पायलट, तर मुलाचीही सिनेइंडस्ट्रीत एन्ट्री; शरद पोंक्षे यांचा मुलगा अभिनय नाही तर करणार हे काम


यानंतर एक मोठा स्फोट होतो. यानंतर एक जवान एकाला विचारतो की, तू आहेस तरी कोण? एक विचित्र मास्क घातलेला एक व्यक्त हॅलिकॉप्टरमध्ये उतरतो आणि म्हणतो की, मी प्रलय...पुढं हा व्यक्ती बोलतो की, मी तुमची मौल्यवान गोष्ट माझ्यासोबत घेऊन जातोय. यानंतर अभिनेता रोनित रॉय आर्मी गणवेशात दिसतो. तो त्याच्या टीमला येणाऱ्या संकटाबद्दल सांगताना दिसतो. त्यानंतर तो बोलतो की आपल्याला या साइकोपॅथला पकडायला हवं, त्यासाठी आपल्याला त्याहून मोठे दोन साइकोपॅथ हवेत. त्यानंतर होते टायगर आणि अक्षयची जबरदस्त एन्ट्री. त्यानंतर टायगर बोलतो की, मनानं आम्ही सैनिक आहोत, पण आमच्या डोक्यात मात्र राक्षस आहे. यानंतर अक्षय बोलतो की, जरा जपून राहा, कारण हिंदुस्तान आहोत आम्ही...तीन मिनीटे ३२ सेकंदाचा हा ट्रेलर पाहून प्रेक्षकांनी संमिश्र प्रतिक्रिया दिल्या आहेत.


दरम्यान, हा सिनेमा येत्या १० एप्रिल रोजी प्रेक्षकांच्या भेटीला येणार आहे.