हॉलिवूड सिनेमाच्या फर्स्ट लूकमध्ये काही सेकंदच दिसली आलिया भट्ट! चाहत्यांनी लाखो कमेंट्स करत केलं कौतुक

मुंबई: आलिया भट्टने हिंदी (Alia Bhatt Upcoming Movie) सिनेमांमध्ये अफलातून काम करत चाहत्यांची मनं जिंकली आहेत. सध्या बॉलिवूड बॉक्स ऑफिसवर तिचा 'ब्रह्मास्त्र'हा सिनेमा तगडी कमाई करत आहे. दरम्यान आलिया आता हॉलिवूडमध्येही नाव कमावण्यासाठी सज्ज झाली आहे. तिच्या पहिल्यावहिल्या हॉलिवूड सिनेमाचा (Alia Bhatt in Hollywood Movie) फर्स्ट लूक व्हिडिओ समोर आला आहे. आलियाचा हॉलिवूड चित्रपट 'हार्ट ऑफ स्टोन'मध्ये (Alia Bhatt in Heart of Stone) गॅल गॅडोट आणि जेमी डोर्नन यांच्यासोबत स्क्रिन शेअर करणार आहे. नेटफ्लिक्सने शनिवारी या अॅक्शन थ्रिलरचा फर्स्ट लूक रिलीज केला. यामध्ये आलियाला पाहून भारतीय प्रेक्षकांना अभिमानास्पद वाटत आहे.

हे वाचा-जंगलात वाघ एकच असतो... अमेयने थेट सुमित राघवनला दिली तंबी, नेमकं काय घडलं?

'टुडूम: अ नेटफ्लिक्स ग्लोबल फॅन इव्हेंट'मध्ये हा व्हिडिओ प्रदर्शित करण्यात आला. नेटफ्लिक्सने शेअर केलेल्या टीजरमध्ये आलिया अगदी काही सेकंदासाठी दिसते आहे. मात्र प्रेक्षकांना तिला एवढा वेळ पाहूनही खूप आनंद झाला आहे. आलियाने तिच्या इन्स्टाग्रामवर शेअर केलेल्या पोस्टमध्ये चाहत्यांनी लाखो कमेंट्स केल्या आहेत. बॉलिवूडकरही आलियाच्या आयुष्यातील नव्या टप्प्यामुळे खूश झाले आहेत. तिचे सहकलाकार, प्रतिस्पर्धी अभिनेत्री, कुटुंबीय या सर्वांनी कमेंट्स करत आलियाच्या यशाची वाहवा केली आहे.

हे वाचा-बाबा एक शब्दही बोलले नाहीत... राजू श्रीवास्तव यांचे शेवटचे दिवस आठवून लेक भावुक

आलियाच्या या सिनेमातील भूमिकेचं नाव केया असे असणार आहे. या व्हिडिओमध्ये गॅल, जेमी आणि आलिया 'हार्ट ऑफ स्टोन'विषयी बोलताना दिसतात. गॅलच्या मते हा सिनेमा 'Epic' ठरणार आहे. तर आलिया म्हणते की, 'यामध्ये अशी पात्र आहेत जी तुमच्याशी जोडली जातात, ज्यांच्याविषयी तुम्हाला भावना निर्माण होतील'. तर हा सिनेमा खूप मोठ्या स्तरावरचा आहे अशी प्रतिक्रिया जेमीने दिली आहे. हॉलिवूडमध्ये या सिनेमाची विशेष चर्चा आहेच, पण भारतीय प्रेक्षकांनाही या सिनेमाची विशेष उत्सुकता आहे.


याआधीही आलियाने गॅल गॅडो़डसोबत सिनेमाच्या सेटवरील फोटो शेअर केले होते. त्या फोटोंमधून या दोन हॉलिवूड स्टार आणि बॉलिवूड स्टारमधील बाँडिग दिसून आलं होतं. आता हा सिनेमा भारतातील प्रेक्षकांना आकर्षित करण्यात किती यशस्वी ठरेल हे पाहणं महत्त्वाचं ठरेल.