अरे देवा! अल्लू अर्जुनने अभिनेत्रीला ट्विटरवर केलं ब्लॉक, आता तिच होतेय ट्रोल

मुंबई- पुष्पा फेम अल्लु अर्जुनची साऊथसोबतच बॉलिवूडमध्येही क्रेझ खूप आहे. त्यामुळे त्याच्या आयुष्यात काय चालले आहे काय नाही हे जाणून घ्यायला चाहते खूप उत्सुक असतात. आता अल्लूबाबत एक नवी बातमी समोर आली आहे. ती म्हणजे अभिनेत्याने वरुडू चित्रपटातील आपली सहकलाकार अभिनेत्री भानुश्री मेहराला ट्विटरवरून ब्लॉक केले आहे. ही माहिती अभिनेत्रीने ट्विटरवर स्क्रीनशॉट शेअर करून दिली. त्यानंतर काही तासांनी अल्लूने भानुश्रीला पुन्हा अनब्लॉक केले.

Photo- तापसीने रिव्हिलिंग ड्रेससह घातला लक्ष्मीचा नेकलेस, ट्रोल करायला मिळाली आयती संधी
भानुश्रीने केले ट्वीट

ट्विटरवर भानुश्रीने अभिनेत्याच्या प्रोफाईलचा स्क्रीनशॉट शेअर केला, ज्यामध्ये अल्लू अर्जुनने अभिनेत्रीला ब्लॉक केल्याचे दिसत होते. अभिनेत्रीने लिहिले की, 'तुम्हाला कधी वाटले की तुम्ही तरी अडकेला आहात, तर लक्षात घ्या मी अल्लू अर्जुनसोबत वरुडूमध्ये काम केले होते आणि तरीही आता मला कोणतेही काम मिळत नाही. पण मी माझ्या संघर्षात हसायला शिकले आहे. खासकरुन आता अल्लू अर्जुनने मला ट्विटरवर ब्लॉक केले आहे. त्यामुळे, जा सबस्क्राइब करा.'


लोकांनी भानुश्रीला केले ट्रोल

खाली भानुश्रीने आपल्या यूट्यूब चॅनलची लिंक टाकली आहे आणि नेटकऱ्यांना चॅनल सबस्क्राईब करण्यास सांगितले आहे. पण आता भानुश्री आपल्या चॅनलचे सबस्क्राइबर वाढवण्यासाठी अल्लू अर्जुनचे नाव वापरल्यामुळे ट्रोल झाली आहे. भानुश्री आणि अल्लू अर्जुन यांनी वरुडू या तेलगू रोमँटिक अॅक्शन ड्रामा चित्रपटात एकत्र काम केले होते. हा चित्रपट २०१० मध्ये प्रदर्शित झाला होता. चित्रपटाला बॉक्स ऑफिसवर फारसे यश मिळाले नाही.



वरुडू नंतर, भानुश्री अनेक चित्रपटांमध्ये दिसली पण तिचे करिअर नीट रुळावर आलेच नाही. भानुश्रीने स्क्रिनशॉट पोस्ट केल्यावर नेटकऱ्यांनी तिलाच ट्रोल करायला सुरुवात केली. अनेकांनी तिला स्वतःच्या अपयशासाठी अल्लू अर्जुनला दोष देत असल्याचं सांगून ट्रोल केलं. यावर अभिनेत्रीने सांगितले की, 'मी अपयशासाठी अल्लू अर्जुनला दोष दिलेला नाही. आणि आता अल्लू अर्जुनने मला अनब्लॉक केले आहे.'


आणखी एक स्क्रीनशॉट शेअर करत भानुश्रीने लिहिले, 'खुशखबर, अल्लू अर्जुनने मला अनब्लॉक केले! मला हे स्पष्ट करायचे आहे की, माझ्या कारकिर्दीतील अपयशांसाठी मी त्याला कधीही दोष दिलेला नाही. त्याऐवजी, मी माझ्या संघर्षात हसायला आणि पुढे जात राहायला शिकले.'