मुंबई: महानायक अमिताभ बच्चन यांना करोना संसर्गाची लागण झाल्याचे कळताच त्यांचे लाखो चाहते काळजीने व्याकुळ झाले आहेत. अमिताभ यांना लवकरात लवकर प्रकृती स्वास्थ्य लाभावे, अशी प्रार्थना सर्वच करत आहेत. मास्टर ब्लास्टर सचिन तेंडुलकर, केंद्रीय आरोग्य मंत्री हर्षवर्धन यांच्यासह अनेक दिग्गजांनी अमिताभ यांच्या प्रकृतीबाबत काळजी व्यक्त केली आहे व 'गेट वेल सून' असा संदेश दिला आहे. ( Amitabh Bachchan health update )
वाचा: अमिताभ बच्चन यांना करोना; मुंबईतील नानावटी रुग्णालयात दाखल
अमिताभ यांना करोनाची लागण झाल्याची बातमी वाऱ्यासारखी पसरली आणि सर्वत्र काळजीची लकेर उमटली. सिनेजगत, क्रीडा विश्वापासून ते राजकीय क्षेत्रातील मान्यवरांकडून अमिताभ यांच्या प्रकृतीबाबत चिंता व्यक्त करण्यात आली. अमिताभ यांना लवकरात लवकर स्वास्थ्य लाभावे म्हणून सर्वजण प्रार्थना करत आहेत. भारतरत्न सचिन तेंडुलकरने अमिताभ यांच्या स्वास्थ्यासाठी प्रार्थना केली. 'टेक केअर अमित जी' असा संदेश सचिनने दिला.
वाचा: अमिताभ यांच्यानंतर अभिषेक बच्चनही करोना पॉझिटिव्ह
केंद्रीय आरोग्यमंत्री हर्षवर्धन यांनी अमिताभ यांच्या प्रकृतीची चांगल्याप्रकारे काळजी घेतली जाईल, अशा शब्दांत आश्वस्त केले. हर्षवर्धन यांनी ट्विटरच्या माध्यमातून अमिताभ यांना लवकर बरे होण्यासाठी शुभेच्छा दिल्या. अमिताभ यांच्या स्वास्थ्यासाठी संपूर्ण देश प्रार्थना करत आहे आणि त्यात मीही सहभागी आहे. तुम्ही लाखो देशवासीयांसाठी आदर्श आहात, अशा भावनाही हर्षवर्धन यांनी व्यक्त केल्या.
अभिनेत्री माधुरी दीक्षित नेने यांनीही 'गेट वेल सून' म्हणत अमिताभ यांच्या प्रकृती स्वास्थ्यासाठी प्रार्थना केली. रितेश देशमुख रविना टंडन, तापसी पन्नू, सोनम कपूर आहुजा, बिपाशा बसू अशा अनेक कलावंतांनी अमिताभ यांच्या प्रकृतीबाबत काळजी व्यक्त केली.
ही लढाईही आपण जिंकाल: अनुपम खेर
'आदरणीय अमिताभ बच्चन जी, तुम्ही आयुष्यातील प्रत्येक कठीण प्रसंगावर कणखर मनोबलाच्या जोरावर मात केली. आता करोना विरुद्धच्या लढाईतही आपण विजयी व्हाल व ठणठणीत बरे होऊन घरी परताल, असा मला आणि संपूर्ण देशाला विश्वास आहे. आमच्या सर्वांच्या प्रार्थनांचं बळ सदैव तुमच्यासोबत आहे', अशी कळकळ अभिनेते अनुपम खेर यांनी व्यक्त केली.
अमिताभ बच्चन यांना करोनाची लाग झाल्याची बातमी काळजीत टाकणारी आहे. अमिताभ यांना लवकरात लवकर आराम पडावा, अशी मी प्रार्थना करते. 'प्लीज गेट वेल सून', असे आर्जवच पश्चिम बंगालच्या मुख्यमंत्री ममता बॅनर्जी यांनी केले. समाजवादी पक्षाचे नेते व उत्तर प्रदेशचे माजी मुख्यमंत्री अखिलेश यादव यांनीही अमिताभ यांच्यासाठी प्रार्थना केली.
वाचा: महानायक अमिताभ बच्चन यांना यापूर्वी झाले हे मोठे आजार
वाचा: अमिताभ बच्चन यांना करोना; मुंबईतील नानावटी रुग्णालयात दाखल
अमिताभ यांना करोनाची लागण झाल्याची बातमी वाऱ्यासारखी पसरली आणि सर्वत्र काळजीची लकेर उमटली. सिनेजगत, क्रीडा विश्वापासून ते राजकीय क्षेत्रातील मान्यवरांकडून अमिताभ यांच्या प्रकृतीबाबत चिंता व्यक्त करण्यात आली. अमिताभ यांना लवकरात लवकर स्वास्थ्य लाभावे म्हणून सर्वजण प्रार्थना करत आहेत. भारतरत्न सचिन तेंडुलकरने अमिताभ यांच्या स्वास्थ्यासाठी प्रार्थना केली. 'टेक केअर अमित जी' असा संदेश सचिनने दिला.
वाचा: अमिताभ यांच्यानंतर अभिषेक बच्चनही करोना पॉझिटिव्ह
केंद्रीय आरोग्यमंत्री हर्षवर्धन यांनी अमिताभ यांच्या प्रकृतीची चांगल्याप्रकारे काळजी घेतली जाईल, अशा शब्दांत आश्वस्त केले. हर्षवर्धन यांनी ट्विटरच्या माध्यमातून अमिताभ यांना लवकर बरे होण्यासाठी शुभेच्छा दिल्या. अमिताभ यांच्या स्वास्थ्यासाठी संपूर्ण देश प्रार्थना करत आहे आणि त्यात मीही सहभागी आहे. तुम्ही लाखो देशवासीयांसाठी आदर्श आहात, अशा भावनाही हर्षवर्धन यांनी व्यक्त केल्या.
अभिनेत्री माधुरी दीक्षित नेने यांनीही 'गेट वेल सून' म्हणत अमिताभ यांच्या प्रकृती स्वास्थ्यासाठी प्रार्थना केली. रितेश देशमुख रविना टंडन, तापसी पन्नू, सोनम कपूर आहुजा, बिपाशा बसू अशा अनेक कलावंतांनी अमिताभ यांच्या प्रकृतीबाबत काळजी व्यक्त केली.
ही लढाईही आपण जिंकाल: अनुपम खेर
'आदरणीय अमिताभ बच्चन जी, तुम्ही आयुष्यातील प्रत्येक कठीण प्रसंगावर कणखर मनोबलाच्या जोरावर मात केली. आता करोना विरुद्धच्या लढाईतही आपण विजयी व्हाल व ठणठणीत बरे होऊन घरी परताल, असा मला आणि संपूर्ण देशाला विश्वास आहे. आमच्या सर्वांच्या प्रार्थनांचं बळ सदैव तुमच्यासोबत आहे', अशी कळकळ अभिनेते अनुपम खेर यांनी व्यक्त केली.
अमिताभ बच्चन यांना करोनाची लाग झाल्याची बातमी काळजीत टाकणारी आहे. अमिताभ यांना लवकरात लवकर आराम पडावा, अशी मी प्रार्थना करते. 'प्लीज गेट वेल सून', असे आर्जवच पश्चिम बंगालच्या मुख्यमंत्री ममता बॅनर्जी यांनी केले. समाजवादी पक्षाचे नेते व उत्तर प्रदेशचे माजी मुख्यमंत्री अखिलेश यादव यांनीही अमिताभ यांच्यासाठी प्रार्थना केली.
वाचा: महानायक अमिताभ बच्चन यांना यापूर्वी झाले हे मोठे आजार