अनुष्का शर्माला लीगल नोटीस, वेब सीरिजमध्ये जातीयवादी शिवीचा उपयोग

मुंबई- अभिनेत्री अनुष्का शर्माची निर्मिती असलेली पाताल लोक वेब सीरिज सध्या अनेक कारणांमुळे चर्चेत आहे. अनेक स्टार सेलिब्रिटींनी या वेब सीरिजचं कौतुक केलं आहे शिवाय प्रेक्षकांनाही ही सीरिज आवडल्याचं दिसतं. मात्र या सीरिजमध्ये वापरण्यात आलेल्या एका संवादामुळे आता अनुष्काला कायदेशीर नोटीस पाठवण्यात आली आहे.

गिल्डचा सदस्य आणि प्रणय राय अँड असोसिएट्स चेंबर्सशी संबंधीत वकील विरेन श्री गुरुंग यांनी अनुष्का शर्माला नोटीस पाठवली आहे. गुरुंग यांच्यामते, सीरिजच्या दुसऱ्या एपिसोडमध्ये अशा शब्दाचा वापर करण्यात आला आहे जो पूर्ण नेपाळी समुदायाचा अपमान करतो.

वृद्धाश्रमात रहातोय 'महाभारता'तला स्टार कलाकार

जातियवादी शिवीचा केला उपयोग-

गुरुंग म्हणाले की, 'एका व्हिडिओ क्लिपमध्ये चौकशी दरम्यान एक महिला पोलीस अधिकारी नेपाळी व्यक्तिरेखेवर जातियवादी शिवीचा वापर करते. फक्त नेपाळी या शब्दाचा वापर केला असता तर काही हरकत नव्हती. पण यानंतरचा जो शब्द वापरला तो योग्य नव्हता. अनुष्का या सीरिजची निर्माती आहे त्यामुळे आम्ही तिला नोटीस बजावली. सध्या अभिनेत्रीकडून कोणतीही प्रतिक्रिया आलेली नाही.'

गोरखा समाजही झाला नाराज-

मीडिया रिपोर्टनुसार, गोरखा कम्युनिटीनेही या सीरिजच्या संवांदांवर आक्षेप घेतला आणि तो शब्द काढून टाकण्याची मागणी केली. १८ मे रोजी त्यांच्याकडून एक ऑनलाइन याचिका दाखल करण्यात आली.

मुलांच्या सांगण्यावरून दुसऱ्यांदा लग्न करणार पूजा बेदी

याचिकेत नक्की काय म्हटलं-

यात केंद्रीय माहिती व प्रसारण मंत्री प्रकाश जावडेकर, ओटीटी प्लॅटफॉर्म आणि सीरिजची निर्माती अनुष्का शर्मा यांचा उल्लेख करत म्हटलं की, सीरिजमधील त्या संवादात गोरखा महिलांना चुकीच्या पद्धतीने दाखवण्यात आले आहे. तो शब्द म्यूट केला पाहिजे. तसेच सब- टायटलही ब्लर केलं पाहिजे आणि एडिटेड व्हिडिओ सर्वांसाठी उपलब्ध करून दिला पाहिजे. यासोबतच अनुष्काने क्षमाही मागितली पाहिजे.