प्रेम करावं आशा पारेखसारखं, या व्यक्तीसाठी राहिल्या अविवाहीत, पण का नाही झालं त्यांचं लग्न?

मुंबई- ७० च्या दशकातील सुपरस्टार अभिनेत्री आणि दादासाहेब फाळके पुरस्कार प्राप्त आशा पारेख यांच्या अभिनयाचे आजही प्रेक्षक वेडे आहेत. एक काळ असा होता की आशा पारेख यांना भारतीय चित्रपटसृष्टीतील सर्वात प्रसिद्ध आणि सर्वोत्कृष्ट अभिनेत्रींपैकी एक मानले जात होते. या सगळ्यांमध्ये या अभिनेत्रीच्या आयुष्याचा असा एक पैलू आहे ज्याला प्रेमासाठी केलेलं समर्पण म्हणावं की प्रेमात मिळालेलं अपयश म्हणावं हे कळत नाही.

सारा दीदी बेवफा है... शुभमन गिल आउट होताच स्टेडिअममध्ये दिसली सारा, झाली बेक्कार ट्रोल
इतकं नाव, प्रसिद्धी आणि आदर मिळवूनही आशा पारेख त्यांच्या आयुष्यात पूर्णपणे एकट्या आहेत. आशा पारेख यांनी कधीही लग्न केले नाही आणि वयाच्या या टप्प्यावर त्या एकट्याच राहत आहेत. असे नाही की त्या कधी रिलेशनशिपमध्ये नव्हत्या पण काही कारणांमुळे त्यांचं नातं संसारात बदलू शकलं नाही. त्यांना कधी लग्न करायचे नव्हते असेही नाही. त्यांनी आपल्या नवऱ्याची आणि सुखी संसाराची अनेक स्वप्न पाहिली होती. पण जीवनातलं प्रत्येक स्वप्न पूर्ण होतंच असं नाही. खुद्द आशा पारेख यांनी एका मुलाखतीदरम्यान त्याच्या आयुष्यातील या हळव्या कोपऱ्याबद्दल सांगितले होते.


आशा म्हणाल्या की एक काळ असा होता की त्यादेखील नैराश्याशी झुंज देत होत्या. 'लहान वयात आई-वडील गमावणं खूप वेदनादायी असतं. जे व्हायचं असतं ते घडतंच. माझे आई- वडील गेल्यानंतर मी एकटी पडले आणि मला सर्व काही स्वतःहून करावे लागले. माझ्या मनात आत्महत्येचेही विचार येत होते, नंतर मी डॉक्टरांच्या मदतीने स्वतःवर नियंत्रण मिळवू शकले.'

रस्त्यावर आलेलं कृष्णा अभिषेक- गोविंदाचं भांडणं, मामा- भाच्याच्या भांडणाला कश्मिरा होती कारण
दुसरीकडे, त्यांच्या आयुष्यातील जवळच्या आणि प्रिय व्यक्तीबद्दल प्रश्न विचारला असता त्या म्हणाल्या की, 'आई-वडिलांशिवाय माझ्या आयुष्यात मी कोणावर जीवापाड प्रेम केले असेल तर ते बॉलिवूडचे प्रसिद्ध दिग्दर्शक आणि निर्माते नसीर हुसेन आहेत. पण आमचे लग्न होऊ शकले नाही. कारण मला कधीच त्यांचे घर तोडायचे नव्हते.'


अभिनेत्रीने सांगितले की, 'माझे आणि नसीर साहेबांच्या कुटुंबात नेहमीच प्रेमाचे नाते होते. त्यांची मुलगी आणि नातू माझ्या एका पुस्तकाच्या प्रकाशन सोहळ्याला आले तेव्हा मला खूप आनंद झाला होता. मी माझे आयुष्य कोणालाही न दुखावता शांततेत घालवले आहे.' त्याचवेळी आशा पारेख म्हणाल्या की, 'मला लग्न करायचे होते, मला आई व्हायला आवडले असते पण तसे होऊ शकले नाही. जे घडायचं असतं तेच घडतं, त्यापुढे तुम्ही काहीही करू शकत नाही.'