मुंबई: आपल्या वेगवेगळ्या भूमिकांमुळे नेहमीच चर्चेत असणारा अभिनेता आयुष्मान खुराना पुन्हा एकदा हटके भूमिकेत दिसणार आहे. आयुष्मानचा 'शुभ मंगल ज्यादा सावधान' हा चित्रपटही प्रेक्षकांच्या पसंतीस उतरत असून त्याच्या 'बाला' चित्रपटाला प्रेक्षक आणि समिक्षकांकडून चांगल्या प्रतिक्रिया मिळाल्या आहे.
'विकी डोनर'मध्ये स्पर्म डोनरची बोल्ड भूमिका साकारणारा आयुषमान आता स्त्री रोगतज्ञाची पात्र साकारताना दिसणार आहे. , 'जंगली पिक्चर्स' प्रोडक्शनद्वारे चित्रपटाची निर्मिती करणार आहे. ' 'दम लगाके हायशा' या चित्रपटातही -आयुष्यमाननं पत्नीच्या वजनाबद्दल दुःखी असणाऱ्या नवऱ्याची भूमिका केली होती. यानंतर 'शुभ मंगल सावधान' चित्रपटातून आयुष्मान लैंगिक समस्येविषयी बोलताना दिसला होता. तसंच दोन दलित मुलींवरील बलात्कार आणि हत्येचा तपास करणारा पोलीस अधिकारी म्हणून आयुष्यन 'आर्टिकल-१५'मधून प्रेक्षकांच्या भेटीला आला होता.
अरेरे! अमिताभ यांनी एक दिवस उशीरानं दिल्या मराठी भाषा दिनाच्या शुभेच्छा
दरम्यान, नुकताच प्रदर्शित झालेला 'शुभ मंगल ज्यादा सावधान' हा संपूर्णपणे समलैंगिक नात्याला समर्पित करण्यात आला आहे. न्यायालयानं समलिंगी विवाहाला किंवा समलैगिक संबंधांना मान्यता दिली असली तरी काही वर्षांपूर्वी तो एक कायदेशीर गुन्हा होता. हाच गुन्हा 'शुभ मंगल ज्यादा सावधान' चित्रपटात कार्तिक सिंह (आयुष्मान खुराना) आणि अमन त्रिपाठी (जितेंद्र कुमार) यांनी केला आहे. चित्रपटाच्या विषयाच्या निवडीबाबत अभिनेता आयुष्मान खुराना याचं कौतुक नक्कीच करायला हवं. बॉलिवूडमध्ये एंट्री घेताना त्यानं सुरुवातीपासूनच चौकटीबाहेरील विषयांची निवड केली आहे. जे विषय हाताळण्यात इतर स्टार कलाकार चार हात लांब राहतात, असे अनेक विषय आयुष्माननं स्वीकारले. बॉलिवूड सिनेमांच्या तद्दन व्यावसायिक चित्रपटाच्या शृंखलेत 'शुभ मंगल ज्यादा सावधान' हा चित्रपट अनेक कारणांसाठी वेगळा आहे.
साउथच्या 'या' चित्रपटाचा रिमेक; अजय देवगण मुख्य भूमिकेत