अरे प्यार कर ले...आयुष्मानच्या सिनेमातलं नवं गाणं प्रेक्षकांच्या भेटीला

मुंबई: बॉलिवूडमध्ये सलग सात हिट सिनेमे देणारा आयुष्मान खुराना आता त्याच्या आगामी शुभ मंगल ज्यादा सावधान सिनेमातून प्रेक्षकांच्या भेटीला येत आहे. नुकताच या सिनेमाचा ट्रेलर प्रदर्शित झाला होता. आता या सिनेमातील गाणं प्रेक्षकांच्या भेटीला आलं आहे.

अनेक वर्षांपासून सिनेरसिकांना ताल धरायला लावणारं असं 'प्यार बिना चैन कहा रेsss....', हे गाणं आयुष्मानच्या या चित्रपटात नवीन अंदाजात प्रेक्षकांच्या भेटीला आलं आहे. बप्पी लहिरी यांनी हे गाणं गायलं असून नवीन गाण्यात आयुष्मानच्या आवाजाची जादू पाहायला मिळत आहे. सिनेमाच्या नावावरून आणि पोस्टरवरूनच हा सिनेमा एक सामाजिक संदेश देणारा असेल याचा अंदाज प्रेक्षकांना आधीपासून होता. या सिनेमात आयुष्मान खुराना पहिल्यांदा समलैंगिक मुलाची भूमिका वठवताना दिसणार आहे.

तनिष्क बागचीनं हे गाणं रिक्रिएट केलं असून यात गजराज राव, नीना गुप्ता यांचा रेट्रो लूकही पाहायला मिळत आहे. जीतेंद्र कुमार आणि आयुष्मान खुरान यांचाही खास अंदाज या गाण्यात पाहायला मिळत आहे. चमचमणारे कपडे, डिस्कोचा ठेका आणि रेट्रो लुक यामुळं हे गाण खास ठरलं आहे.

ट्रेलर प्रदर्शित करण्यापूर्वी आयुष्माननं सिनेमाचे काही पोस्टर प्रदर्शित केले होते. या पोस्टरला कॅप्शन देताना त्यानं लिहिलं होतं की, 'कार्तिक का प्यार होकर रहेगा अमन! ' नवीन पोस्टरमध्ये सिनेमाची संपूर्ण स्टारकास्ट दिसते. यात नीना गुप्ता, गजराज राव, जितेंद्र कुमार, मनुऋषि चड्ढा, सुनीता रजवार, मानवी यांच्याही महत्त्वपूर्ण भूमिका आहेत.
प्रदर्शित झाला आयुष्मान खुरानाच्या शुभ मंगल ज्यादा सावधानचा ट्रेलर

पोस्टरमध्ये डीडीएलजेचा सीन केला रीक्रिएट
एका पोस्टरमध्ये आयुष्मान खुराना आणि जितेंद्र कुमार लग्नाच्या खुर्चीवर बसलेले दिसत आहेत. तर त्यांचं संपूर्ण कुटुंब त्यांना खुर्चीवरून खाली पाडण्याचा आणि वेगळं करण्याचा प्रयत्न करत आहेत. तर दुसऱ्या पोस्टरमध्ये दिलवाले दुल्हनिया ले जाएंगे सिनेमातील क्लायमॅक्स सीन करताना दिसत आहेत.
बॉलिवूडचा शहेनशाह मराठी चित्रपटात; शेअर केलं पोस्टर