मुंबई: चित्रपटांमधील विविध भूमिकांमुळे नेहमी चर्चेत असणारे प्रसिद्ध अभिनेते सत्यराज सध्या एका कारणामुळे चर्चेत आले आहे. एका खासगी कार्यक्रमात सहभागी झाल्याचे वृत्त समोर आले होते, ज्यामध्ये काही बड्या नेत्यांचाही सहभाग होता. मात्र या गोष्टीची चर्चा यामुळे होते आहे कारण हा पार्टीचे आयोजन भारताचे माजी पंतप्रधान राजीव गांधी यांच्या हत्याकांड प्रकरणात दोषी आढळून आलेल्या ए. जी. पेरारिवेलन याने केले होते. या प्रोग्राममध्ये सत्यराज डान्स करताना आढळून आल्याचे वृत्त काही मीडिया रिपोर्टमधून समोर आले आहे.
हे वाचा-संगीत विश्वाला मोठा धक्का, प्रसिद्ध गायिका काळाच्या पडद्याआड
पेरारिवलनने आयोजित केलेल्या एका कार्यक्रमात सत्यराज यांच्यासह विविध नेत्यांना आमंत्रित करण्यात आले होते. याठिकामी पोहोचल्यावर त्यांना पेरारिवलनसोबत डान्सही केला. मीडिया रिपोर्टनुसार, माजी पंतप्रधान राजीव गांधी यांच्या हत्याकांडामध्ये दोषी आढळून आलेल्या पेरारिवलनने त्याचे आईवडील अर्पुथम्मल आणि कुयिल दासन यांचा वाढदिवस साजरा केला. त्यानिमित्त या पार्टीचे आयोजन करण्यात आले होते. सोशल मीडियावर काही फोटो समोर आले आहेत, ज्यातून हे स्पष्ट होतंय की त्याठिकाणी ढोल वाजत असताना 'कटप्पा' त्यावर डान्स करत आहेत.
हे वाचा-साऊथचा साधेपणा ठरतोय बॉलिवूडपेक्षा वरचढ, धनुष-विजयने जिकली चाहत्यांची मनं
दरम्यान पेरारिवलनबाबत बोलायचं झालं तर तो ३१ वर्ष तुरुगांत होता. त्यानंतर सुप्रीम कोर्टाने त्याची सूटका केली. तुरुंगात चांगल्या वर्तनामुळे त्याची सूटका करण्यात आली. ९ मार्च रोजी पेरारिवलनला जामीन देण्यात आला. ए. जी. पेरारिवेलन या राजीव गांधी हत्या प्रकरणातील सुटका झालेल्या गुन्हेगारावरील सर्व आरोप सिद्ध झाले होते. पेरारिवलनचा राजीव गांधी यांच्या हत्येच्या प्रकरणात दोषी ठरल्यानतंर फाशीची शिक्षा, दया याचिकेवर ११ वर्षांचा विलंब, फाशीच्या शिक्षेचं जन्मठेपेत रुपांतर आणि आता सुटका असा वादग्रस्त प्रवास राहिला आहे.