मदत करण्यासाठीही कनिकाला करावी लागणार प्रतीक्षा

लखनऊ- बॉलिवूड गायिका कनिका कपूरने करोना व्हायरसविरोधातली लढाई जिंकली असून सध्या ती आपल्या आई- वडिलांसोबत राहत आहे. या आजारातून बरं झाल्यानंतर करोनाग्रस्तांसाठी आपला प्लाज्मा डोनेट करण्याची इच्छा तिने बोलून दाखवली. यानंतर तिच्या रक्ताच्या चाचण्या करण्यात आल्या. मात्र रिपोर्टनुसार, हिमोग्लोबीन कमी असल्यामुळे तिला प्लाजा इतक्यात देता येणार नाही.

शबाना आझमींनी १० लाखांहून अधिकांची केली मदत

रिपोर्ट्सनूसार, किंग जॉर्ज मेडिकल यूनिवर्सिटीचे वाइस चान्सलर, प्रोफेसर एमएलबी भट्ट यांनी सांगितलं की, मंगळवारी कनिकाच्या रक्ताची चाचणी झाली. प्लाज्मा डोनेशनसाठी लागणाऱ्या सर्व गोष्टी योग्य होत्या. पण तिच्या शरिरात हिमोग्लोबीनचं प्रमाण कमी होतं. यामुळे प्लाज्मा डोनेशनसाठी तिला काही दिवस थांबावं लागेल.

तीन रुग्णांनी दान केले प्लाज्मा-

तूलिका चंद्रा म्हणाल्या की, आतापर्यंत केजीएमयूमध्ये करोनामुक्त झालेल्या तीन रुग्णांनी त्यांचे प्लाज्मा दान केले आहेत. यात एक डॉक्टर तौसीफ खान, एक कॅनेडियन हिला डॉक्टर आणि अजून एका रुग्णाचा सहभाग आहे.


केजीएमयूमध्ये दिले गेले करोनाग्रस्ताला पहिली प्लाज्मा थेरपी-

रविवारी संध्याकाळी किंग जॉर्ज मेडिकल युनिव्हर्सिटीमध्ये करोनाग्रस्ताला पहिल्यांदा प्लाज्मा थेरपी दिली गेली. ५८ वर्षांच्या डॉक्टरवर ही प्लाज्मा थेरपी देण्यात आली. याशिवाय प्लाज्मा दान करणारी पहिली कॅनेडियन डॉक्टर होती जी करोनारुग्ण होती. मात्र उपचारांनंतर ती करोना मुक्त झाली. केजीएमयू डॉक्टरांनी सांगितल्यानुसार, ज्या रुग्णांना प्लाज्मा थेरपी दिली त्यांच्यावर नजर ठेवली जात आहे. सर्व काही योग्य असल्यास त्यांना दुसरा डोसही देण्यात येईल.

म्हणून प्रभास- समंथाने एकत्र काम केलं नाही

कनिकावर झाला बेफिकीरीचा आरोप-

लंडनहून परतल्यानंतर २० मार्चला कनिका करोना पॉझिटिव्ह असल्याचं समोर आलं होतं. भारतात परतल्यानंतर तिने अनेक पार्ट्यांना हजेरी लावली होती. यामुळेच तिच्यावर सातत्याने बेफिकीर असल्याचा आरोप करण्यात येत होता.