Bigg Boss 15- तेजस्वी प्रकाशने शमिता शेट्टीला म्हटलं 'आंटी', भडकली बिपाशा बासू

मुंबई- बिग बॉसचा १५ वा सिझन सध्या चांगलाचं चर्चेत आला आहे. या शोमध्ये सुरूवातीपासूनच सतत वाद होताना दिसले आहेत, महाअंतिसोहळ्याला फक्त तीन दिवस उरले आहेत. अशात घरात जोरदार स्पर्धा सुरू झाली आहे. सगळेच स्पर्धक आपलं सर्वोत्तम देण्याच्या प्रयत्न करत आहेत. दरम्यान, बिग बॉसने दिलेल्या सीझनच्या शेवटच्या टास्कमध्ये पुन्हा एकदा शमिता शेट्टी आणि तेजस्वी प्रकाश चं जोरदार भांडण झालं. दरम्यान सोशल मीडियावर चाहते आणि बॉलिवूड कलाकार तेजस्वीच्या या वागणूकीमुळे नाराज झाले असल्याचं स्पष्ट दिसत आहे.

'पुन्हा मोदीच जिंकणार!' असं का म्हणाल्या अनुपम खेर यांच्या आई

बिग बॉसने दिलेला टास्क जिंकण्याच्या नादात तेजस्वीने शमिताला आंटी म्हणून हाक मारली आणि शमिताला बळजबरीने ओढले. तेजस्वीचं हे वागणं शमिताला अजिबात आवडलं नाही, त्यानंतर दोघांमध्ये खूप मोठं भांडण झालं. बिग बॉसच्या चाहत्यांना तेजस्वीचं हे वागणं फारसं पटलेलं नाही. सोशल मीडियाद्वारे चाहत्यांनी याची नाराजी व्यक्त केली असून सध्या शमिता शेट्टी ट्रेंड होतं आहे. चाहत्यांप्रमाणेच बॉलिवूडमधूनही शमिताला पाठिंबा मिळत आहे. अभिनेत्री बिपाशा बासू नेही तेजस्वीच्या या वागणुकीबद्दल तिला फटकारत प्रतिक्रिया दिली आहे.


बिपाशाने शमिताला सपोर्ट करत एक ट्वीट केलं. 'कोणालाही त्यांच्या वयावरून बोलणं आणि नंतर माफी मागणं योग्य नाही. असे लोक कोणासाठी विजेते किंवा आदर्श असतील तर ते खरोखरच दुःखद आहे. जर का तुम्हाला भीती वाटत असेल तर ज्याच्यामुळे तुम्ही असुरक्षित झालात त्यालाच प्रश्न विचारा, कारण त्याने तुम्हाला असुरक्षतेची भावना निर्माण केली आहे.' बिपाशा सोबतच देवोलिना भट्टाचार्जी, करणवीर बोहरा, टिना दत्ता यांनीही शमिताला पाठिंबा दिला आहे.

नेमकं काय घडलं?

शेवटच्या टास्कमध्ये बिग बॉसच्या घरात सामान्य जनतेला बोलावण्यात आलं. घरात आलेले लोक स्पर्धकांना वेगवेगळी कामं देत होते. दरम्यान, पाहुण्याने दिलेल्या कार्याप्रमाणे शमिता शेट्टी करण कुंद्राला मसाज करत होती. पण शमिताला करणच्या इतक्या जवळ पाहून तेजस्वीला राग आला आणि तिने शमिताला खाली ओढलं आणि तिला आंटी म्हणून हाक मारली. हे पाहून शमिता तिच्यावर भडकली आणि त्यांच्यात जोरदार भांडण सुरू झालं.