BB16- उंचीवरून अब्दू रोजिकची मस्करी केल्यानं अर्चना झाली ट्रोल, युझर्स म्हणाले हिला बाहेर काढा

मुंबई : बिग बॉस १६ (Bigg Boss 16) मध्ये जगातील उंचीनं सर्वात कमी असलेला गायक अब्दू रोजिक सहभागी झाला आहे. अब्दू हा खूपच लोकप्रिय आहे. त्याला बिग बॉसमध्ये पाहून अनेकजण उत्साहित झाले आहे. अब्दूचा एकूणच क्यूट अंदाजावर सर्वजण फिदा झाले आहेत. अशा या अब्दूची कुणी टिंगल केली तर चाहत्यांना ती अजिबात आवडूत नाही. त्यामुळेच अब्दूची टिंगल करणाऱ्या अभिनेत्री अर्चना गौतम हिच्यावर चाहते खूप नाराज झाले आहेत. सोशल मीडियावर तिच्यावर खूप टीका होत आहे.

मी मुलाचं नाव राम कधी ठेऊ शकत नाही, सैफचं जुनं वक्तव्य Viral

अर्चनावर भडकले युझर्स

कार्यक्रमाच्या ग्रँड फिनाले नंतर जेव्हा सर्व स्पर्धकांनी बिग बॉसच्या घरात प्रवेश केला. त्यानंतर सर्वजण लिविंग रूमध्ये बसले होते. त्यावेळी अर्चनानं अब्दूच्या कमी उंचीवरून त्याची मस्करी केली. अर्चना म्हणाली की,'अरे हा तर दिसतच नाहीये मला. चांगलं आहे की त्याला वेगळा बेड दिला गेला आहे. नाही तर कुणीही रात्री त्याला रात्री लाथ मारू शकत.' असं अर्चनानं म्हटल्यावर सर्वजण जोरजोरात हसू लागतात.




दरम्यान, अब्दूला अर्चना नेमकं काय म्हणते आहे हे त्याला नीटसं कळू शकत नाही. कारण त्याला हिंदी जास्त येत नाही. अब्दूच्या कमी उंचीमुळे त्याची मस्करी केल्यानं अर्चनाला सोशल मीडियावर ट्रोल केलं जात आहे. अनेकांनी तिला मर्यादेत राहण्याचा सल्ला दिला आहे. तर काही अनेक युझर्सनं तिला कार्यक्रमातून बाहेर काढण्याची मागणी केली आहे.

BBM 4- नॉमिनेशन टास्क अमृताला पडलं भारी, डोक्यावर फोडल्या बाटल्या



एका युझरनं अर्चनावर टीका करताना म्हणाली आहे की, 'ही पथेटिक आहे. अतिशय विचित्र आहे ही. कधी ही उंचीवरून मस्करी करत आहे तर कधी त्याला कडेवर उचलून घेण्याची गोष्ट करत आहे. अर्चनानं घरातील इतर सदस्यांप्रमाणं अब्दूशी नीटपणं वागावं.'


आणखी एका युझरनं अर्चनाला घराबाहेर काढण्याची मागणी केली आहे.तसंच आणखी एकानं असं म्हटलं आहे की, बिग बॉस अचानक नॉमिनेशन करावं आणि अर्चनाला घराबाहेर काढावं. अशा अनेक युझरनं अर्चनाविरोधात मत सोशल मीडियावर व्यक्त केली आहेत. अब्दू हा सलमानचादेखील खूप लाडका आहे. त्यामुळे अब्दूची अशी मस्करी करणं त्याला आवडणार नाही. आता या विकेंडला सलमान यावर कशी प्रतिक्रिया व्यक्त करतोय याकडे सर्वांचं लक्ष लागलं आहे

.