शाहरुखनं 'पठाण'मध्ये माझ्या सारखा लुक केलाय, हे चांगलंच आहे...बिचुकले पुन्हा बरळले

मुंबई: बिग बॉस मराठीमुळं चर्चेत आलेलं एक नाव म्हणजे अभिजित बिचुकले. बिचुकले हिंदी बिग बॉसच्या १६ व्या पर्वातही जाणार असल्याच्या चर्चांना उधाण आलं होतं. पण तसं झालं नाही. असं असलं तरी बिचुकले त्याच्या वक्तव्यामुळं नेहमीच चर्चेत असतो.

बिचुकलेनं आता थेट बॉलिवूडच्या किंग खानला म्हणजेच शाहरुख खान याला कॉपीकॅट म्हटलं आहे. शाहरुखचा पठाणमधला लुक माझ्यासारखाच आहे, असं त्यानं म्हटलंय.बिचुकले आता निर्माताही होणार आहे. त्यानिमित्तानं साताऱ्यात पत्रकारांशी बोलताना बिचुकलेनं शाहरुखच्या 'पठाण'मधील हेअरस्टाइलवर कमेंट केली आहे.
लेकीसोबत गोड फोटो शेअर करत मृणाल दुसानिसची खास पोस्ट; म्हणाली खूप कष्टाने मी...
काय म्हणाला बिचुकले?
मला असं वाटतंय की, शाहरुख रोज बिग बॉस बघत होता. त्याचा 'पठाण'मधला लुक माझ्यासारखाच आहे. ही एक चांगली आणि सकारात्मक गोष्ट आहे. त्याच्या आधी ही माझी हेअरस्टाइल आहे. मी लहान असताना १९९१मध्ये संजय दत्तची अशी लांब केसांची हेअरस्टाइल होती. आता ही लांब केसांची स्टाइल आली आहे, ती माझी आहे.

अभिजीत बिचुकलेला झालेली अटक
अभिजीत बिचुकलेला 'बिग बॉस मराठी'च्या सेटवरूनच अटक करण्यात आली होती. प्रकरण २०१५ या वर्षातील आहे. जेव्हा अभिजीत चेक बाऊन्स प्रकरणात अडकला होता. वृत्तानुसार, त्याला अटक करण्यापूर्वी अटक वॉरंट जारी करण्यात आले होते. अनेकवेळा समन्सही बजावण्यात आले. मात्र तो हजर न झाल्यानं त्याच्याविरुद्ध अटक वॉरंट जारी करण्यात आलं होतं.