वयाच्या ७२ व्या वर्षी तरुणांनाही लाजवेल असा फिटनेस, पण बॉलिवूडच्या या लोकप्रिय व्हिलनला आहे ही भीती

मुंबई: बॉलिवूड अभिनेता शरत सक्सेना (Sharat Saxena Birthday) आज ७२ वा वाढदिवस साजरा करत आहेत. वयाच्या ७२ व्या वर्षी त्यांचा फिटनेस आजही तरुणांना लाजवेल असाच आहे. पिळदार शरिरयष्टी आणि दिमाखदार मिश्या असा त्यांचा लूक बॉलिवूडमध्ये छाप सोडणार आहे.

बॉलिवूडच्या नावाजलेल्या अभिनेत्यांमध्ये शरत यांचं नाव घेतलं जातं. मात्र बॉलिवूडमध्ये आता झालेले बदल त्यांच्या करिअरच्या सुरुवातीच्या काळात नव्हते. शिवाय आता या क्षेत्रात करावी लागणारी मेहनत वेगळी आहे. आता एखाद्या नायकाला किंवा खलनायकाला शारिरीक आणि मानसिक दोन्ही स्तरावर सक्षम बनण्यासाठी प्रचंड मेहनत घ्यावी लागते. असाच काहीसा अनुभव शरत यांनी त्यांच्या ‘शेरनी’ सिनेमावेळी शेअर केला होता.

हे वाचा-या अभिनेत्रीचा फोटो काढाल तर तुरुंगात जाल, एका सेल्फीसाठीच घेते ३८ हजार

शरत यांनी आतापर्यंत वेगवेगळ्या भाषांमध्ये ३०० पेक्षा दास्त चित्रपटांमध्ये काम केलं आहे. त्यांच्या विविध भूमिका आजही प्रेक्षकांच्या स्मरणात आहेत. त्यांच्या अनेक खलनायकी भूमिकांना प्रेक्षकांनी डोक्यावर उचलून धरलं, मात्र त्यांनी विविध सिनेमांमध्ये सकारात्मक भूमिकाही साकारल्या आहेत. प्रेक्षकांनी या भूमिकांना देखील प्रेम दिलं.

शरत सक्सेना यांनी 'बॉडीगार्ड', 'किश', 'बजरंगी भाईजान', 'बागबान', 'मिस्टर इंडिया', 'अग्निपथ', 'त्रिदेव', 'गुलाम' या लोकप्रिय चित्रपटांमध्ये महत्त्वाची भूमिका साकारली आहे. त्यांच्या एका मुलाखतीमध्ये ते म्हणाले होते की, 'मी जेव्हा सिनेमांमध्ये काम करायला सुरुवात केली तेव्हा माझी शरीरयष्टी पिळदार होती. पण ही बाब ७०-८०च्या दशकात गुन्हा होती. करण बॉडीबिल्डर लोक अशिक्षित, भावनाहीन आणि अभिनयाचं ज्ञान नसलेले असं मानलं जात असे. पण आजच्या काळात सर्वकाही बदललं आहे.'


शरत यांना काम न मिळण्याची भीती

त्यावेळी बोलताना शरत म्हणाले होते की, 'मी आज ७१ वर्षांचा आहे पण ४५ वर्षांचा दिसण्यासाठी प्रयत्न करतो. कारण मला भीती वाटते की मला चित्रपटांमध्ये काम दिलं जाणार नाही. मी बॉलिवूडमधून बाहेर फेकला जाईन.' शरत सक्सेना यांनी त्यांच्या सर्व चित्रपटांमध्ये अॅक्शन सीन स्वतःच दिलेले आहेत. याबाबत बोलताना ते म्हणाले, 'मी आतापर्यंत ६०० पेक्षा जास्त अॅक्शन सीन शूट केले आहेत आणि त्यात १२ वेळा रुग्णालयात पोहोचलो आहे.'

हे वाचा-सुप्रिया यांना विवाहित वाटलेले सचिन, विचित्र कारण देऊन दिलेला होकार

दरम्यान तुम्हाला माहीत आहे का की शरत सक्सेना यांच्याकडे अभियांत्रिकीची पदवी आहे. पण त्यांना चित्रपटांमध्ये नायक म्हणून काम करायचं होतं ज्यासाठी ते मुंबईला आले. अर्थात त्यांना नायक म्हणून भूमिका ऑफर झाल्या नाहीत पण खलनायक मात्र त्यांनी उत्तम रितीनं साकारले.