विराट कोहलीच्या प्रेमात वेडी होती मृणाल ठाकूर, सांगितला पाच वर्षांपूर्वीचा तो किस्सा

मुंबई : भारतीय क्रिकेट संघाचा माजी कर्णधार विराट कोहली जगातील सर्वात लोकप्रिय खेळाडूंपैकी एक आहे. केवळ भारतच नाही, तर त्याचे जगभरातही मोठे चाहते आहेत. क्रिकेटमधील त्याच्या कारकिर्दीने त्याचे कोट्यवधी चाहते झाले आहेत. तर काही त्याच्या लाइफस्टाइलसाठीही त्याचे चाहते आहेत. त्याच्या लुक्स आणि स्टाइलमुळे त्याचे हजारो फिमेल फॅन्सही आहेत. काही बॉलिवूड अभिनेत्रीही विराट कोहलीच्या चाहत्या आहेत.

बॉलिवूड अभिनेत्री मृणाल ठाकूरही विराटची चाहती आहे. एकेकाळी ती विराटच्या प्रेमात असल्याचं तिने कबूल केलं होतं. विराटच्या मैदानावरील तुफान फटकेबाजीच्या ती प्रेमात होती. मृणालचं क्रिकेटवर प्रेम आहे. तिच्या भावामुळे ती क्रिकेटप्रेमी झाल्याचंही ती सांगते. आपल्या खेळाबद्दल बोलताना मृणालने सांगितलं, की तिच्या शाळेच्या दिवसांत ती एक चांगली खेळाडू होती.

हेही वाचा - आज IAS असती यामी गौतम; एका निर्णयाने बदललं अभिनेत्रीचं आयुष्य

मृणालने सांगितलं, की शाळेत असताना अनेक खेळांत सहभागी झाली होती. ती शाळेत बास्केटबॉल, फुटबॉलही खेळत होती. एका मुलाखतीत तिने सांगितलं, की एक वेळ अशी होती जेव्हा मी विराट कोहलीच्या प्रेमात वेडी होती. माझा भाऊ क्रिकेटचा मोठा चाहता आहे. माझ्या भावामुळे मलाही क्रिकेट आवडू लागलं. जवळपास पाच वर्षांपूर्वी त्याच्यासोबत स्टेडियममध्ये एक लाइव्ह मॅच पाहण्यासाठी गेली होती. त्यावेळीच्या माझ्या अनेक आठवणी आहेत. मी निळ्या रंगाची जर्सी घालून मॅच पाहण्यासाठी गेल्याची आठवणही तिने सांगितली.

हेही वाचा - या गोष्टींसाठी मी लग्न केलं , पत्नीधर्म निभावला, पण...घटस्फोटाबद्दल स्पष्टच बोलली मानसी नाईक


हेही वाचा - कॉलेजवाली लव्हस्टोरी! तुफानी खेळीमुळे चर्चेत असणारा सूर्या पहिल्याच भेटीत झालेला क्लीन बोल्ड

दरम्यान, मृणाल ठाकूर शेवटची तेलुगू भाषेतील सीता-रामन या सिनेमात दिसली होती. या सिनेमात दुलकर सलमान, रश्मिका मंदानासोबत तिने स्क्रिन शेअर केली होती. हिंदीतील सुपर ३०, तूफान, बाटला हाऊस, लव्ह सोनिया आणि घोस्ट स्टोरीज सारख्या सिनेमांतून तिने भूमिका साकारल्या आहेत. नुकताच तिचा कार्तिक आर्यनसोबत 'धमाका' आणि शाहिद कपूरसह 'जर्सी' सिनेमा प्रदर्शित झाला होता.