मुंबई:
चित्रपट क्षेत्र हे अळवावरचे पाणी असल्याबद्दल आपण ऐकत असतो. पण, आपल्या उत्तम अभिनयाच्या जोरावर चंकी पांडे या हिंदीमधील प्रसिद्ध अभिनेत्यानं हिंदी चित्रपटक्षेत्रातून बाहेर पडून बांगलादेशच्या चित्रपट क्षेत्राचा शाहरुख खान होण्याचा बहुमान मिळवला. गेली अनेक वर्षं दरवर्षी त्यांचा एक बंगाली चित्रपट बांगलादेशात प्रदर्शित होत होता.
हिंदीमधून बंगालीचे हे पहिले वळण चंकी पांडे यांना लाभदायक ठरले होते. तेथील चित्रपटांमध्ये भूमिका केल्यानंतर ते पुन्हा बॉलिवूडकडे वळले आणि 'हाऊसफुल्ल ४', 'प्रस्थानम्' आणि नुकत्याच प्रदर्शित 'जवानी जानेमन' या चित्रपटात ते सैफ अली खान यांच्यासोबत चमकले. बंगालीनंतरच्या वळणात चंकी पांडे यांना तेलुगू आणि हिंदी भाषेत प्रदर्शित झालेल्या 'साहो' या चित्रपटात भूमिका मिळाली आणि आता तिथेही त्यांची आगेकूच सुरू आहे.
मुंबईत जन्म झालेल्या चंकी पांडे यांचे सिनेमातले यापुढील वळण मराठी नसते तरच नवल. यापूर्वी अनेक दर्जेदार चित्रपटांची निर्मिती केलेले उत्तुंग हितेंद्र ठाकूर यांच्या विवा इनएन प्रॉडक्शनचीच निर्मिती आणि 'पोश्टर बॉईज'फेम दिग्दर्शक समीर पाटील यांचे दिग्दर्शन असलेल्या 'विकून टाक' या मराठी चित्रपटात ते एका धनाढ्य अरब व्यक्तीची भूमिका करीत आहेत. यासाठी त्यांनी त्यांच्या आजवरच्या कीर्तीला साजेल अशा मराठी, हिंदी आणि अरबी या तिन्ही भाषांचे मिश्रण असलेली खास भाषा वापरली आहे. सुरुवातीच्या अर्ध्या भागात खलनायक आणि अखेरीला प्रेक्षकांच्या हृदयाला हात घालणारी अशी ही भूमिका आहे. 'घर सुधारायचे असेल तर वेळप्रसंगी घराबाहेरची देखील मदत घ्यावी लागते' ही बाब त्यांनी अधोरेखित केली आहे. ती करीत असतानाच या चित्रपटाने 'अवयव दान' आणि प्रामुख्याने मूत्रपिंडांचा होणारा बेकायदा व्यापार हा विषय अतिशय वेगळ्या आणि मनोवेधक शैलीत मांडला आहे. अतिशय मोजक्या प्रसंगांमधून हा विषय मांडणे कठीण आहे, असेही चंकी पांडे यांनी सांगितले.
आपल्या मराठी चित्रपटात काम करण्याच्या अनुभवाबद्दल ते म्हणाले, 'जयवंत वाडकर यांच्यासोबत काम करण्याचा अनुभव मस्त होता. ते भारीच आहेत. आणि इतर कलाकारांचे सांगायचे, तर अप्रतिम. मुळात हे सगळे थिएटर आर्टिस्ट असल्याने त्यांचे सगळे संवाद पाठ असायचे आणि माझा मात्र थोडा गोंधळ व्हायचा. सगळ्यांनी मला सहकार्य केल्याचे चंकी पांडे आवर्जून सांगतात.
'विकून टाक' हा चंकी पांडे यांचा पहिला मराठी चित्रपट असला, तरी त्यासाठी बोलताना ते म्हणाले की 'हा चित्रपट हिंदीमध्येही सुपरहिट ठरला असता. परंतु "मराठीतला हा मनोरंजक चित्रपट बघूनच टाका.' असेच मी प्रेक्षकांना सांगेन.' हा चित्रपट १४ फेब्रुवारीला प्रदर्शित होत आहे.
चित्रपट क्षेत्र हे अळवावरचे पाणी असल्याबद्दल आपण ऐकत असतो. पण, आपल्या उत्तम अभिनयाच्या जोरावर चंकी पांडे या हिंदीमधील प्रसिद्ध अभिनेत्यानं हिंदी चित्रपटक्षेत्रातून बाहेर पडून बांगलादेशच्या चित्रपट क्षेत्राचा शाहरुख खान होण्याचा बहुमान मिळवला. गेली अनेक वर्षं दरवर्षी त्यांचा एक बंगाली चित्रपट बांगलादेशात प्रदर्शित होत होता.
हिंदीमधून बंगालीचे हे पहिले वळण चंकी पांडे यांना लाभदायक ठरले होते. तेथील चित्रपटांमध्ये भूमिका केल्यानंतर ते पुन्हा बॉलिवूडकडे वळले आणि 'हाऊसफुल्ल ४', 'प्रस्थानम्' आणि नुकत्याच प्रदर्शित 'जवानी जानेमन' या चित्रपटात ते सैफ अली खान यांच्यासोबत चमकले. बंगालीनंतरच्या वळणात चंकी पांडे यांना तेलुगू आणि हिंदी भाषेत प्रदर्शित झालेल्या 'साहो' या चित्रपटात भूमिका मिळाली आणि आता तिथेही त्यांची आगेकूच सुरू आहे.
मुंबईत जन्म झालेल्या चंकी पांडे यांचे सिनेमातले यापुढील वळण मराठी नसते तरच नवल. यापूर्वी अनेक दर्जेदार चित्रपटांची निर्मिती केलेले उत्तुंग हितेंद्र ठाकूर यांच्या विवा इनएन प्रॉडक्शनचीच निर्मिती आणि 'पोश्टर बॉईज'फेम दिग्दर्शक समीर पाटील यांचे दिग्दर्शन असलेल्या 'विकून टाक' या मराठी चित्रपटात ते एका धनाढ्य अरब व्यक्तीची भूमिका करीत आहेत. यासाठी त्यांनी त्यांच्या आजवरच्या कीर्तीला साजेल अशा मराठी, हिंदी आणि अरबी या तिन्ही भाषांचे मिश्रण असलेली खास भाषा वापरली आहे. सुरुवातीच्या अर्ध्या भागात खलनायक आणि अखेरीला प्रेक्षकांच्या हृदयाला हात घालणारी अशी ही भूमिका आहे. 'घर सुधारायचे असेल तर वेळप्रसंगी घराबाहेरची देखील मदत घ्यावी लागते' ही बाब त्यांनी अधोरेखित केली आहे. ती करीत असतानाच या चित्रपटाने 'अवयव दान' आणि प्रामुख्याने मूत्रपिंडांचा होणारा बेकायदा व्यापार हा विषय अतिशय वेगळ्या आणि मनोवेधक शैलीत मांडला आहे. अतिशय मोजक्या प्रसंगांमधून हा विषय मांडणे कठीण आहे, असेही चंकी पांडे यांनी सांगितले.
आपल्या मराठी चित्रपटात काम करण्याच्या अनुभवाबद्दल ते म्हणाले, 'जयवंत वाडकर यांच्यासोबत काम करण्याचा अनुभव मस्त होता. ते भारीच आहेत. आणि इतर कलाकारांचे सांगायचे, तर अप्रतिम. मुळात हे सगळे थिएटर आर्टिस्ट असल्याने त्यांचे सगळे संवाद पाठ असायचे आणि माझा मात्र थोडा गोंधळ व्हायचा. सगळ्यांनी मला सहकार्य केल्याचे चंकी पांडे आवर्जून सांगतात.
'विकून टाक' हा चंकी पांडे यांचा पहिला मराठी चित्रपट असला, तरी त्यासाठी बोलताना ते म्हणाले की 'हा चित्रपट हिंदीमध्येही सुपरहिट ठरला असता. परंतु "मराठीतला हा मनोरंजक चित्रपट बघूनच टाका.' असेच मी प्रेक्षकांना सांगेन.' हा चित्रपट १४ फेब्रुवारीला प्रदर्शित होत आहे.