कठीण काळ! राजू श्रीवास्तव व्हेंटिलेटरवर तर त्यांचा धाकटा भाऊही इस्पितळात भरती

नवी दिल्ली- कॉमेडियन राजू श्रीवास्तव यांच्या कुटुंबावर दुहेरी संकटाची वेळ आली आहे. कुटुंबातील दोन मुलं इस्पितळात भरती आहेत. आपल्या विनोदाने प्रेक्षकांना खळखळवून हसवणारे कॉमेडियन आणि भाजप नेते राजू श्रीवास्तव बुधवारी जिममध्ये व्यायाम करत असताना अचानक बेशुद्ध पडले. त्यांना दिल्लीतील एम्स इस्पितळात दाखल करण्यात आले. तपासात राजू यांना हृदयविकाराचा झटका आल्याचे समोर आले. याला राजू यांच्या कुटुंबियांनी दुजोरा दिला. आश्चर्याची बाब म्हणजे राजू श्रीवास्तव यांचा लहान भाऊही सध्या इस्पितळात दाखल आहे.

वृत्तानुसार, कॉमेडियन राजू श्रीवास्तवचा धाकटा भाऊ गेल्या चार दिवसांपासून न्यूरो हॉस्पिटलच्या आयसीयूमध्ये दाखल आहे. राजू श्रीवास्तव दुसऱ्या मजल्यावर तर त्याचा भाऊ तिसऱ्या मजल्यावर दाखल आहे. कुटुंबातील दोन मुलगे रुग्णालयात आजाराशी झुंज देत असताना कुटुंबासाठी दुहेरी संकट असेच आहे.

राजू श्रीवास्तव कॉमेडीसोबतच राजकारणातही सक्रिय आहेत. ते भाजपचे नेते आणि उत्तर प्रदेश चित्रपट विकास परिषदेचे अध्यक्ष आहेत. नोएडामध्ये फिल्म सिटी उभारण्यात उत्तर प्रदेश सरकारच्या वतीने ते प्रमुख भूमिका बजावत आहेत.

कॉमेडियनचे पीआर अजित सक्सेना यांनी राजू श्रीवास्तव यांच्या प्रकृतीविषयी माहिती देताना सांगितले की, आता त्यांची तब्येत ठीक आहे. त्यांची प्रकृती स्थिर आहे. रिपोर्टनुसार, राजू श्रीवास्तव यांच्या हृदयात अनेक ब्लॉकेज आहेत.