करोनाः टॉम हँक्सच्या तब्येतीत सुधार नाही, बहिणीने दिले हेल्थ अपडेट

मेलबर्न- हॉलिवूड अभिनेते टॉम हँक्स करोना पॉझिटिव्ह असल्याचे कळल्यावर साऱ्यांनाच आश्चर्याचा धक्का बसला होता. चाहते हँक्स लवकर बरे व्हावेत यासाठी प्रार्थना करत आहेत. दरम्यान टॉम हँक्स यांची मोठी बहीण सँड्रा हँक्स यांनी त्यांच्या आरोग्यात कितपत सुधार झाला याबद्दल माहिती दिली.

करोनापासून वाचण्यासाठी केआरकेचं आमंत्रण

या महिन्याच्या सुरुवातीला टॉम आणि त्यांची पत्नी रीटा विल्सन यांना करोना विषाणूची लागण झाल्याचं समोर आलं होतं. आता डेली मेलला दिलेल्या मुलाखतीत टॉम यांची बहीण सँड्रा यांनी टॉम यांची तब्येत चांगली जरी नसली तरी ठी आहे. रिपोर्टनुसार, काही दिवस आयसोलेशनमध्ये राहिल्यानंतर टॉम आणि रीटा यांना इस्पितळातून सोडण्यात आलं. सध्या दोघंही ऑस्ट्रेलियामध्ये भाड्याचं घर घेऊन राहत आहेत.


व्हिडिओः सासूशीही चार हाल लांबूनच बोलते सोनम कपूर

सध्या सँड्रा इटलीमध्ये लॉकडाउन आहेत आणि त्यांनी टॉमची काळजी घेणाऱ्या सर्व वैद्यकीय कामगारांचं कौतुक केलं. १८ मार्चला टॉम यांनी स्वतः एक ट्वीटदेखील केलं होतं. करोना पॉझिटिव्ह असल्याचं कळल्यानंतर जे शरीरात लक्षणं होती तीच लक्षणं आठवड्याभरानंतही आहेत. ताप नाहीये. यासोबतच त्यांनी लिहिले की, पत्त्यांच्या खेळात त्यांना सतत पराभव मिळत आहे आणि त्यांची पत्नी जिंकत आहे.