करोना- कनिका कपूरची तिसरी टेस्टही पॉझिटिव्ह

लखनऊ- बॉलिवूड गायिका कनिका कपूर लंडनहून परतल्यानंतर करोना पॉझिटिव्ह असल्याचं समोर आलं होतं. आता तिची तिसरी टेस्टही पॉझिटिव्ह आली आहे. मंगळवारी रात्री करोना टेस्टचं निदान समोर आलं. याआधी रविवारी करण्यात आलेल्या चाचणीतही ती करोना पॉझिटिव्ह होती.

काय म्हणाले डॉक्टर-

९ मार्चला कनिका लंडनहून भारतात परतली होती. यानंतर ती करोना पॉझिटिव्ह असल्याचं समोर आलं होतं. सध्या संजय गांधी पोस्ट ग्रॅज्युएट इन्स्टिट्यूट ऑफ मेडिकल सायन्सेस या इस्पितळात कनिकावर उपचार सुरू आहेत. दरम्यान, पीजीआयचे संचालक आर.के. धीमन यांनी कनिकाच्या करोना टेस्ट सातत्याने पॉझिटिव्ह येत असल्याचं सांगितलं. तिच्यावर ट्रीटमेन्ट तोपर्यंत चालेल जोपर्यंत तिच्या किमान दोन टेस्ट निगेटिव्ह येत नाहीत.

रूम साफ करत नसल्याची कनिका कपूरची तक्रार

कनिकाच्या मित्राची टेस्ट निगेटिव्ह

कनिकाचा मित्र ओझस देसाई तिच्यासोबत दोन दिवस ताज हॉटेलमध्ये थांबला होता. यानंतर तो अण्डरग्राउण्ड झाला होता. त्याची करोना टेस्ट केली असता ती निगेटिव्ह आली. ओझसकडून प्रसिद्ध केलेल्या अहवालानुसार, त्याने मुंबईतील कस्तुरबा इस्पितळात कोविड-१९ ची टेस्ट केली होती. यात त्याची टेस्ट निगेटिव्ह आली. त्याने सोशल मीडियावर रिपोटही पोस्ट केले.

कनिकाच्या इमारतीतील ३५ लोकांची केली टेस्ट

कनिकाच्या संपर्कात येणारे निगेटिव्ह

दरम्यान, कनिकाच्या संपर्कात आलेल्या सर्वांची करोना टेस्ट करण्यात आली. या सर्वांच्या टेस्ट निगेटिव्ह आल्याचे समोर आले. कनिकाने अनेक व्यावसायिक, राजकीय नेते आणि सेलिब्रिटींसोबत पार्टी केली होती.