निसर्ग चक्रीवादळावरचे मीम्स व्हायरल, तुम्ही पाहिलेत का?

मुंबई- महाराष्ट्रात कोरोनाच्या संकटानंतर निसर्ग चक्रीवादळाच्या परिणाम दिसून येऊ लागला आहे. आज बुधवारी दुपारी निसर्गने अलिबाग, श्रीवर्धन परिसराला धडक दिली. याचबरोबर मुंबई,नवी मुंबई परिसरात वादळी वाऱ्यासह मुसळधार पाऊस सुरू झाला आहे.

दरम्यान, यासंबंधीचे अनेक मीम्स सोशल मीडियावर व्हायरल झाले आहे. अनेक मालिका किंवा सिनेमांच्या संवांदांशी निसर्ग चक्रीवादळाला जोडले गेले आहे. करोना व्हायरसशी संबंधी जसे मीम्स व्हायरल झाले होते तसेच आता निसर्ग चक्रीवादळाचेही मीम्स तयार होऊ लागले आहेत.




दुपारी एक वाजण्याच्या सुमारास निसर्ग चक्रीवादळाने मुंबईच्या किनारपट्टी भागात जोरदार धडक दिली. यावेळी मुंबईत जोरदार वारा, पाऊस सुरू झाला आहे. समुद्रात उंच लाटा वाढत आहेत. मुंबईच्या अनेक भागात झाडे कोसळली आहेत, त्यामुळे वीज गेली आहे. याशिवाय अनेक ठिकाणी घरांची छप्परे उडण्याच्याही घटना घडलेल्या आहेत.




या संकटाच्या पार्श्वभूमीवर मुंबई-वरळी सी लिंक रोड बंद करण्यात आला आहे. लोकांना समुद्रकिनाऱ्यापासून दूर राहण्याचा सल्ला देण्यात आला आहे. तसेच जनतेने घरात राहावे, असाही सल्ला देण्यात आला आहे.