मुलगी झाली हो! टीव्ही सेलिब्रिटी कपलच्या घरी आली नन्ही परी

मुंबई: छोट्या पडद्यावरील लोकप्रिय अभिनेत्री देबिना बॅनर्जी बाळाची आतुरतेनं वाट पाहत होती. नुकतंच तिच्या घरी चिमुकलीचं आगमन झालं आहे. तिचा नवरा आणि अभिनेता गुरमीत चौधरीनं एक खास पोस्ट शेअर करत ही आनंदाची बातमी चाहत्यांसोबत शेअर केली आहे.

देबिना आणि गुरमीत यांच्यावर सेलिब्रिटी आणि नेटकऱ्यांकडून शुभेच्छांचा वर्षाव होत आहे. बाळाचा फोटो कधी शेअर करणार याबद्दल चाहत्यांकडून सोशल मीडियावर विचारणा होत आहे. गरोदरपणात गुरमतीनं देबिनाची खूप काळजी घेतली होती. दोघांचे फोटो व्हिडिओ सोशल मीडियावर व्हायरल झाले होते.


काही दिवसांपूर्वीच देबिनानं शीर्षासन करतानाचा फोटो शेअर केला होता. हा फोटो शेअर करत तिनं लिहिलं होतं की, 'जेव्हा आयुष्य तुम्हाला उलट करून टाकतं, तेव्हा तुम्हाला तुमचा दृष्टिकोन थोडा अॅडजेस्ट करावा लागतो. विशेष बाब म्हणजे मी हे प्रेग्नंट व्हायच्या आधी केलं होतं. तेव्हा फार काही झालं नाही. तेव्हा मी विचार केला की आता असं करून मी फोटो काढला तर तो छान येईल. हे मी अनेक वर्षांपासून करत आले आहे. हे करताना मला खूपच सुरक्षित वाटतं. ही कल्पना चांगली वाटली आणि तेव्हाच मी हे केलं आहे.'

देबिना आणि गुरमित यांची भेट २००५ सालच्या एका रिऍलिटी शोमध्ये झाली होती. त्यांनी २००६ साली पळून जात लग्न केलं. परंतु, या लग्नाबद्दल त्यांच्या घरातल्यांना मुळीच कल्पना नव्हती. त्यानंतर देबिना आणि गुरमितने २०११ साली कोर्टात लग्न केलं. हे लग्न त्यांच्या घरातल्यांच्या आशीर्वादाने करण्यात आलं. लग्नानंतर एक रिसेप्शन ठेवण्यात आलं होतं ज्यात घरातल्या व्यक्तींसोबत काही खास पाहुण्यांना बोलावण्यात आलं होतं. घरीच लग्नाचे काही विधीही करण्यात आले होते. गुरमित आणि देबिना एकत्र 'रामायण' आणि 'नच बलिये ६' मध्ये दिसले होते.