मुंबई: गेल्या दहा दिवसांपासून सुरु असलेल्या सत्तानाट्यात मोठा ट्वीस्ट आल्यानं महाराष्ट्रातील सत्तानाट्य जणू चित्रपटाची कथा असल्यासारखं वाटू लागलं आहे. विधान परिषद निवडणुकीनंतर गेले दहा दिवस राज्यातील सत्ताधारी असलेल्या शिवसेनेमध्ये सुरू असलेल्या अंतर्गत बंडाळीमध्ये पडद्याआडून हालचाली करून प्रत्यक्ष राजकीय रंगमंचावर येणं भाजपने टाळलं होतं; मात्र मंगळवारी रात्री अचानक राज्यपालांकडें जाऊन सरकारकडील आमदारांच्या ताकदीची चाचपणी करण्याची मागणी करून सत्तानाट्यात भाजपनं प्रवेश केला.
देवेंद्र फडणवीस पुन्हा मुख्यमंत्री होणार असं वाटत असतानाच त्यांनी एकनाथ शिंदे राज्याचे नवे मुख्यमंत्री असतील असं जाहीर केलं. आज संध्याकाळी सात वाजता एकनाथ शिंदे मुख्यमंत्रीपदाची शपथ घेतील, अशी माहिती फडणवीसांनी दिली.
दहा दिवसांपासून सुरू असलेल्या या सत्तानाट्यादरम्यान एका चित्रपटाचीही प्रचंड चर्चा झाली तो म्हणजे, ‘धर्मवीर मुक्काम पोस्ट ठाणे’ . या चित्रपटाची दखल दिग्गज राजकारण्यांनाही घ्यावी लागली. एकनाथ शिंदे यांचे गुरू ठाणे जिल्ह्यातील दिवंगत शिवसेना नेते आनंद दिघे यांच्या जीवनावर ‘धर्मवीर मुक्काम पोस्ट ठाणे’
हा चित्रपट आधारित आहे. त्यामुळं हा चित्रपटही गेमचेंजर ठरला असं म्हटलं तरी वावगं ठरणार नाही,
हा चित्रपट गेल्या महिन्यातच प्रदर्शित झाला असून नुकताच ‘ओटीटी’वरून घराघरामध्ये पोहोचला. ठाण्यातील दिघे समर्थक शिवसैनिकांच्या व्यक्तिरेखा या चित्रपटामधून समोर आल्या आहेत. चित्रपटामध्ये दिघे यांचे शिष्य एकनाथ शिंदे यांच्यावर या चित्रपटाचा सर्वाधिक भर दिसून आला.
गेल्या काही दिवसांपासून चर्चा सुरू होती की, या चित्रपटाची निर्मिती एकनाथ शिंदे यांच्या मार्केटिंगसाठी करण्यात आली असावी. ही चर्चा आता खरी ठरताना दिसून येत आहे.
मोफत शो
चित्रपट जास्तीत जास्त लोकांपर्यंत पोहोचावा यासाठी ठाण्यात मोफत शो ठेवण्यात आले होते. शहरातील नगरसेवक आणि शिवसेना नेत्यांनी प्रभागातील नागरिकांसाठी खास शो आयोजित केले होते.
शिंदे यांच्या आयुष्यातील ती घटना
शिंदे यांच्या आयुष्यातील अत्यंत दुर्दैवी शोकांतिका या चित्रपटाच्या माध्यमातून पडद्यावर साकारण्यात आली आहे. शिंदे यांच्या दोन मुलांचा अपघाती मृत्यू , ही घटना प्रेक्षकांनी चित्रपटात पाहिली.
हे सर्व पाहून धर्मवीर या चित्रपटाच्या माध्यमातून या बंडाची वातावरण निर्मिती केल्याचंही बोललं गेलं.
ठाण्यातील शिवसेनेचे सर्वोच्च नेते म्हणून एकनाथ शिंदे यांची ओळख असली तरी ही ओळख तयार करण्यामध्ये आनंद दिघे यांचं महत्त्वाचं योगदान आहे. दिघे यांनी एकनाथ शिंदे यांच्यावर टाकलेली जबाबदारी शिंदे यांनी स्वीकारून त्याला न्याय दिला. त्यामुळेच एकनाथ शिंदे हे आनंद दिघे यांना गुरूस्थानी मानतात. त्यांच्यामधील हे गुरूशिष्याचं नातं शिंदे यांनी सातत्यानें बोलून दाखवलं आहे.
२०१९ मध्ये मंत्रिपदाच्या शपथविधीच्या प्रसंगीही शिंदे यांनी धर्मवीर आनंद दिघे यांच्या नावानं शपथ घेतली होती. आनंद दिघे यांच्या जीवनावर आधारीत चित्रपट प्रदर्शित झाला अन् शेकडो चित्रपटप्रेमींनी हा चित्रपट पाहिला आला.
शिवसेनेकडून हा चित्रपट घराघरामध्ये पोहोचवण्याच्या दृष्टीनं या चित्रपटाचे विशेष शो आयोजित करण्यात आले होते. प्रभागातील प्रत्येकाला हा चित्रपट दाखवून त्यांना दिघे आणि शिंदे यांची कथा सांगण्यात आली. हा चित्रपट ओटीटीवरूनही प्रदर्शित झाल्यामुळं हा चित्रपट महाराष्ट्रातील घराघरामध्ये पोहचला. त्यानंतर अवघ्या दोन ते तीन दिवसांमध्येच एकनाथ शिंदे यांनी वेगळी भूमिका घेतली. त्यामुळं हा चित्रपटाच्या माध्यमातून ठाणे शहरात वातावरण निर्मिती केल्याची शक्यता व्यक्त होऊ लागली आहे.
डायलॉग्ज हिट
जंगलात राहून वाघाशी आणि महाराष्ट्रात माझ्याशी वैर नाही घ्यायचं...,
अनाथांचा एकनाथ हो, दिन दुबळ्यांचा लोकनाथ हो...
कुठल्याही बँकेत अकाऊंट नसलेला आणि दोन्ही खिसे रिकामे असलेला जगातला सर्वात श्रीमंत असलेला राजकारणी...
अशा संवादांचा वापर करून अनेक शिंदे समर्थकांनी सोशल मीडियावर स्टेटस आणि पोस्ट करण्यास सुरुवात केली आहे. या चित्रपटातील गाण्यांचाही आधार घेऊन शिंदे यांच्याबद्दलची सहानुभूती निर्माण करण्याचा प्रयत्न केला गेला.
देवेंद्र फडणवीस पुन्हा मुख्यमंत्री होणार असं वाटत असतानाच त्यांनी एकनाथ शिंदे राज्याचे नवे मुख्यमंत्री असतील असं जाहीर केलं. आज संध्याकाळी सात वाजता एकनाथ शिंदे मुख्यमंत्रीपदाची शपथ घेतील, अशी माहिती फडणवीसांनी दिली.
दहा दिवसांपासून सुरू असलेल्या या सत्तानाट्यादरम्यान एका चित्रपटाचीही प्रचंड चर्चा झाली तो म्हणजे, ‘धर्मवीर मुक्काम पोस्ट ठाणे’ . या चित्रपटाची दखल दिग्गज राजकारण्यांनाही घ्यावी लागली. एकनाथ शिंदे यांचे गुरू ठाणे जिल्ह्यातील दिवंगत शिवसेना नेते आनंद दिघे यांच्या जीवनावर ‘धर्मवीर मुक्काम पोस्ट ठाणे’
हा चित्रपट आधारित आहे. त्यामुळं हा चित्रपटही गेमचेंजर ठरला असं म्हटलं तरी वावगं ठरणार नाही,
हा चित्रपट गेल्या महिन्यातच प्रदर्शित झाला असून नुकताच ‘ओटीटी’वरून घराघरामध्ये पोहोचला. ठाण्यातील दिघे समर्थक शिवसैनिकांच्या व्यक्तिरेखा या चित्रपटामधून समोर आल्या आहेत. चित्रपटामध्ये दिघे यांचे शिष्य एकनाथ शिंदे यांच्यावर या चित्रपटाचा सर्वाधिक भर दिसून आला.
गेल्या काही दिवसांपासून चर्चा सुरू होती की, या चित्रपटाची निर्मिती एकनाथ शिंदे यांच्या मार्केटिंगसाठी करण्यात आली असावी. ही चर्चा आता खरी ठरताना दिसून येत आहे.
मोफत शो
चित्रपट जास्तीत जास्त लोकांपर्यंत पोहोचावा यासाठी ठाण्यात मोफत शो ठेवण्यात आले होते. शहरातील नगरसेवक आणि शिवसेना नेत्यांनी प्रभागातील नागरिकांसाठी खास शो आयोजित केले होते.
शिंदे यांच्या आयुष्यातील ती घटना
शिंदे यांच्या आयुष्यातील अत्यंत दुर्दैवी शोकांतिका या चित्रपटाच्या माध्यमातून पडद्यावर साकारण्यात आली आहे. शिंदे यांच्या दोन मुलांचा अपघाती मृत्यू , ही घटना प्रेक्षकांनी चित्रपटात पाहिली.
हे सर्व पाहून धर्मवीर या चित्रपटाच्या माध्यमातून या बंडाची वातावरण निर्मिती केल्याचंही बोललं गेलं.
ठाण्यातील शिवसेनेचे सर्वोच्च नेते म्हणून एकनाथ शिंदे यांची ओळख असली तरी ही ओळख तयार करण्यामध्ये आनंद दिघे यांचं महत्त्वाचं योगदान आहे. दिघे यांनी एकनाथ शिंदे यांच्यावर टाकलेली जबाबदारी शिंदे यांनी स्वीकारून त्याला न्याय दिला. त्यामुळेच एकनाथ शिंदे हे आनंद दिघे यांना गुरूस्थानी मानतात. त्यांच्यामधील हे गुरूशिष्याचं नातं शिंदे यांनी सातत्यानें बोलून दाखवलं आहे.
२०१९ मध्ये मंत्रिपदाच्या शपथविधीच्या प्रसंगीही शिंदे यांनी धर्मवीर आनंद दिघे यांच्या नावानं शपथ घेतली होती. आनंद दिघे यांच्या जीवनावर आधारीत चित्रपट प्रदर्शित झाला अन् शेकडो चित्रपटप्रेमींनी हा चित्रपट पाहिला आला.
शिवसेनेकडून हा चित्रपट घराघरामध्ये पोहोचवण्याच्या दृष्टीनं या चित्रपटाचे विशेष शो आयोजित करण्यात आले होते. प्रभागातील प्रत्येकाला हा चित्रपट दाखवून त्यांना दिघे आणि शिंदे यांची कथा सांगण्यात आली. हा चित्रपट ओटीटीवरूनही प्रदर्शित झाल्यामुळं हा चित्रपट महाराष्ट्रातील घराघरामध्ये पोहचला. त्यानंतर अवघ्या दोन ते तीन दिवसांमध्येच एकनाथ शिंदे यांनी वेगळी भूमिका घेतली. त्यामुळं हा चित्रपटाच्या माध्यमातून ठाणे शहरात वातावरण निर्मिती केल्याची शक्यता व्यक्त होऊ लागली आहे.
डायलॉग्ज हिट
जंगलात राहून वाघाशी आणि महाराष्ट्रात माझ्याशी वैर नाही घ्यायचं...,
अनाथांचा एकनाथ हो, दिन दुबळ्यांचा लोकनाथ हो...
कुठल्याही बँकेत अकाऊंट नसलेला आणि दोन्ही खिसे रिकामे असलेला जगातला सर्वात श्रीमंत असलेला राजकारणी...
अशा संवादांचा वापर करून अनेक शिंदे समर्थकांनी सोशल मीडियावर स्टेटस आणि पोस्ट करण्यास सुरुवात केली आहे. या चित्रपटातील गाण्यांचाही आधार घेऊन शिंदे यांच्याबद्दलची सहानुभूती निर्माण करण्याचा प्रयत्न केला गेला.