दिशा आणि टायगरच्या नात्यात 'ती'ची एन्ट्री, ब्रेकअपचं कारणंही आलं समोर

मुंबई: बॉलिवूडमध्ये ब्रेकअप-पॅचअपचा खेळ काही नवा नाही. एका ब्रेकअपची सध्या जोरदार चर्चा सुरू आहे. अभिनेता टायगर श्रॉफ आणि अभिनेत्री दिशा पाटनी यांच्या ब्रेकमुळं चर्चेला उधाण आलं आहे. सहा वर्षांच्या रिलेशनशीपनंतर दोघांनी वेगळं होण्याचा निर्णय घेतला. त्यांच्या या निर्णयामुळं चाहत्यांना मोठा धक्का बसला होता. आता आणखी एका वेगळीच चर्चा सुरू झाली आहे. एका अभिनेत्रीमुळं टायगर आणि दिशाच्या नात्यात दरी आल्याचं म्हटलं जात आहे.
अभिनेत्रीने सांगितला अंगावर काटा आणणारा अनुभव, 'तो मुलगा मला जंगलात ओढून घेऊन जात होता'

टायगर श्रॉफच्या आयुष्यात आता 'ती'ची एन्ट्री झाल्याचं म्हटलं जात आहे. ही अभिनेत्री आकांक्षा शर्मा असल्याचं म्हटलं जात आहे. आकांक्षामुळंच दोघांचं नातं संपुष्टात आल्याच्या चर्चा जोरात सुरू आहेत. टायगर आणि आकांक्षानं यापूर्वी एकत्र कामही केलं आहे. ‘कॅसेनोवा’ आणि ‘आई एम ए डिस्को डान्सर २.०’ या दोन गाण्यांमध्ये ते एकत्र झळकले होते.
शिंदे सरकारच्या या निर्णयाला प्राजक्ता माळीचा फुल्ल सपोर्ट! स्वातंत्र्यदिनापासून म्हणणार नाही...

या फक्त चर्चाच
एका मुलाखतीत टायगरला आकांक्षासोबतच्या नात्यावर प्रश्न विटारण्यात आला होता. तेव्हा त्यानं या सर्व अफवा असल्याचं म्हटलं म्हणत अफेअरच्या चर्चांना नकार दिला होता.


दिशा आणि टायगर या दोघांचे मार्ग वेगळे झाल्याचं बोललं जात आहे. दोघांचं नातं जवळपास संपुष्टात आल्याचं सांगण्यात येत आहे. मीडिया रिपोर्टनुसार असंही सांगण्यात आलं की, गेल्या वर्षभरापासून त्यांच्या नात्यात चढ- उतार सुरू होते. टायगरच्या एका मित्रानं त्यांच्या ब्रेकअपची माहिती देताना म्हटलं होतं की, त्यालाही काही आठवड्यांपूर्वीच याची माहिती मिळाली. टायगरच्या मित्रानं असंही सांगितलं की, अभिनेत्यानं याबाबत कोणत्याही मित्राशी चर्चा केलेली नाही. मित्रानं सांगितलं की टायगर त्याच्या कामावर लक्ष केंद्रित करत आहे आणि ब्रेकअपचा त्याच्यावर काहीही परिणाम झाला नाही.