कधी सलमान- आयुष्मानसोबत केलं होतं काम, आता चालवतो कचऱ्याची गाडी

मुंबई- लॉतडाउनमुळे देशभरातील सिनेमे आणि मालिकांच्या चित्रीकरणावर बंदी घालण्यात आली होती. आता नव्या नियमांनुसार राज्य सरकारने चित्रीकरणाला परवानगी दिली आहे. मात्र यात ज्यूनिअर आर्टिस्टसाठी कोणतीही सोय नाही. ज्यूनिअर आर्टिस्टना न घेण्याचा किंवा घेतले तर त्यांचं प्रमाण कमी करण्याचे नियम घालण्यात आले आहेत.

तीन महिन्यांहून अधिकच्या या लॉकडाउनमध्ये ज्यूनिअर आर्टिस्टवर भूकमारीची वेळ आली आहे. कोणी चहा विकत आहे तर कोणी कचऱ्याची गाडी चालवत आपला उदरनिर्वाह करत आहे.

हृतिकने विचारलं 'चोर चोरी करणार नाही तर पोलीस काय करणार,' पोलिसांनी दिलं भन्नाट उत्तर

मीडिया रिपोर्टनुसार अभिनेता आयुष्मान खुरानाच्या 'ड्रीम गर्ल' सिनेमा ज्यूनिअर आर्टिस्ट म्हणून काम करणाऱ्या दिवाकर सोलंकी यांनी कुटुंबाचं पोषण करण्यासाठी दिल्लीच्या रस्त्यावर आंबे विकण्याला सुरुवात केली. तर सलमान खानसोबत 'दबंग' सिनेमात काम केलेल्या हसन हे दिवसा २०० रुपयांसाठी बीएमसीची कचऱ्याची गाडी चालवत आहेत.


हसन म्हणाले की, 'दोन महिने मी कसेतरी काढले. पण घर तर चालवायचं आहे तर काही ना काही करावंच लागेल. याचसाठी बीएमसीमध्ये कॉन्ट्रॅक्टवर कचऱ्याची गाडी चालवायला सुरुवात केली. यात दिवसाला २०० रुपये मिळतात. माझे अनेक मित्र असेच दिवस काढत आहेत. कोणी गार्डचं काम करत आहे तर कोणी इस्पितळात काम करत आहे. ज्यूनिअर आर्टिस्टचं एकमेकांची मदत करत आहेत.'

अभिनेत्रीकडे नाहीत आईच्या उपचारांसाठीचे पैसे, रेणुका शहाणेने केलं मदतीचं आवाहन

'कमांडो- ३' सिनेमात दिसलेले ज्यूनिअर आर्टिस्ट सत्यदेव तेवरे यांचा मुलगा निखील तेवरेने सध्या मरोळ येथील मित्तल इण्डस्ट्रीजजवळ चहाची टपरी टाकली चालवत आहे. निखील म्हणाला की, 'मी दररोज ५० ते ६० चहा विकतो. दुसरं काय करणार. मी आणि बाबा दोघंही ज्यूनिअर आर्टिस्ट आहोत. आम्हाला सांगण्यात आलं होतं की, सलमान खान, यशराजकडून पैसे येतील पण अजूनपर्यंत काही आले नाहीत.'

'जेव्हाही पैशांबद्दल विचारायचो तेव्हा प्रोसेस सुरू आहे एवढंच उत्तर मिळायचं. अशात घर चालवण्यासाठी काही ना काही तरी करावं लागेल ना.. म्हणून चहाची टपरी सुरू केली.'