Video- 'Oo Antava'ची हुक स्टेप पाहून अल्लू अर्जुन- सामंथाला आलं हसू

मुंबई- साऊथ सुपरस्टार अभिनेता अल्लू अर्जुन च्या 'पुष्पा- द राइज' चित्रपटाच्या हिंदी व्हर्जनलाही प्रेक्षकांचा भरभरून प्रतिसद मिळताना दिसत आहे. या चित्रपटातील गाणीदेखील चाहत्यांच्या चांगलीच तोंडात बसली आहेत. यातील 'ऊ बोलेगा या ऊ ऊ बोलेगा' हे गाणं लोकांना खूप आवडत आहे. अलीकडेच बॉक्स ऑफिसवर चांगली कमाई केल्यावर हा चित्रपट आता ओटीटीवर प्रदर्शित झाला आहे. सामंथाच्या या गाण्यानेही सोशल मीडियावर चांगलाच धुमाकूळ घातला आहे. आता नृत्य दिग्दर्शक गणेश आचार्य यांनी अल्लू अर्जुनसोबत चित्रपटाच्या सेटवरील एक मजेशीर व्हिडिओ शेअर केला आहे.

जावेद अख्तरांनी दोन पत्नी आणि होणाऱ्या सुनेसोबत काढला फोटो


गणेश आचार्य यांनी शेअर केलेल्या या व्हिडिओत अल्लू अर्जुन आणि सामंथा रुथ प्रभू दिसत आहेत. 'पुष्पा' च्या सेटवर डान्सचा सराव करतानाचा हा व्हिडिओ आहे. व्हिडिओमध्ये गणेश आचार्य 'ऊ अंटावा' गाण्याची हुक स्टेप करताना दिसत आहेत. त्यांच्या स्टेप्स पाहून सामंथा आणि अल्लू अर्जुन हसतात आणि त्यानंतर दोघेही त्यांच्या स्टेप फॉलो करताना दिसत आहेत.


हा व्हिडिओ शेअर करत, 'माझ्या आवडत्या कलाकारांसोबत आणखीन एक हिट. या दोघांसोबत सेटवर काम करण्याची संधी मिळाली.',अशा आशयाचे कॅप्शन गणेश आचार्य यांनी दिले. गणेश आचार्य यांनी या पोस्टमध्ये अल्लू अर्जुन आणि सामंथा रुथ प्रभू लाही टॅग केले आहे.

अरे हा विकी कौशल ना! १३ वर्ष जुना व्हिडिओ झाला व्हायरल

चित्रपटातील 'ऊ अंटावा' या गाण्याशिवाय 'श्रीवल्ली'ला ही प्रेक्षकांचा चांगला प्रतिसाद मिळाला असून प्रेक्षकांच्या पसंतीस पडले आहे. तर चार्ट बस्टरमध्ये 'श्रीवल्ली' पहिल्या क्रमांकावर ट्रेंड करत आहे आणि 'ऊ बोलेगा या ऊ ऊ बोलेगा' यूट्यूबवर दुसऱ्या क्रमांकावर ट्रेंड करत आहे.