सावनी शेंडे, गायिका, संगीतकार
श्री गणेश हे तर आराध्य दैवत. कार्यक्रमाचा किंवा रियाजाचाही श्रीगणेशा मी कायम श्री गणेशाच्या स्मरणानेच करते. गणेशोत्सवाच्या बालपणापासूनच्या अनेक रम्य आठवणी मनात घट्ट रुजल्या आहेत. दर वर्षी आमच्या काकांकडे गणेश प्रतिष्ठापना होते. मला आठवते, की लहानपणी मी घरच्या गणपतीसमोर दर वर्षी एक नवी रचना सादर करत असे. एखादी नवी शिकलेली बंदीश, एखादी स्वत:च रचलेली चाल; एकदा तर अगदी मी केलेली नवी कविताही मी सादर केलेली आहे. गणेशोत्सवाच्या निमित्ताने आमच्या कुटुंबाचे हे एक छोटे स्नेहसंमेलन घडत असे. यातला आनंद कायम ऊर्जा देत गेला. लग्न झाल्यानंतर माझ्या सासरीही गणपतीची प्रतिष्ठापना होत असल्याने सजावट करणे, खिरापत तयार करणे, पूजा साहित्याची तयारी करणे आणि सर्वांत महत्त्वाचे म्हणजे उकडीचे मोदक करणे ही माझी अत्यंत प्रिय कामे आहेत. त्यात मिळणारे समाधान मला जास्त महत्त्वाचे वाटते.
श्री गणेशाची आराधना मी अगदी मनापासून करते. माझ्या कलेतून म्हणजे संगीतातूनही ही आराधना करण्याचे भाग्य मला मिळाले. काही वर्षांपूर्वी 'टाइम्स म्युझिक'साठी श्री गणेशावरील संस्कृत श्लोकांचे गायन मी केले होते. शंकराचार्यांनी रचलेले ते श्लोक होते. केदार पंडित यांची चाल होती. त्यानंतर गेल्या वर्षी एका कार्यक्रमानिमित्त मुंबईला जात असताना प्रवासात मला गणपतीविषयीचीच एक गीतरचना आणि त्याची चालही सुचली. तेव्हा ते गीत पूर्ण झाले नव्हते. आत्ता लॉकडाउनच्या काळात या गाण्याची पुनर्भेट झाली आणि कविता पूर्ण झाली; पाठोपाठ सूरही आले आणि 'गणराज तुजला वंदितो...' ही रचना तयार झाली. संगीत संयोजक केदार परांजपेने चालीला वाद्यवृंद संयोजनाचा साज चढवला. यूट्युब, फेसबुक आणि इतर समाजमाध्यमांवर आम्ही हे गाणे नुकतेच प्रकाशित केले. गणेशोत्सवानिमित्त नवीन रचना करण्याचा प्रघात लहानपणापासून सुरूच होता; यंदा माझेच गीत, माझेच संगीत आणि माझाच आवाज, असे अनोखे सर्जन घडले. यंदा करोनामुळे गणेशोत्सवाची नेहमीची लगबग नाही; पण ऑनलाइन कार्यक्रम सुरू आहेत. घरच्या गणपतीसमोर बसून तल्लीन होऊन गात असलेले गाणे देशोदेशीच्या रसिकांपर्यंत तंत्रज्ञानामुळे 'लाइव्ह' पोहोचते आहे... एक प्रकारे ही अनोखी मैफल घडते आहे!
श्री गणेश हे तर आराध्य दैवत. कार्यक्रमाचा किंवा रियाजाचाही श्रीगणेशा मी कायम श्री गणेशाच्या स्मरणानेच करते. गणेशोत्सवाच्या बालपणापासूनच्या अनेक रम्य आठवणी मनात घट्ट रुजल्या आहेत. दर वर्षी आमच्या काकांकडे गणेश प्रतिष्ठापना होते. मला आठवते, की लहानपणी मी घरच्या गणपतीसमोर दर वर्षी एक नवी रचना सादर करत असे. एखादी नवी शिकलेली बंदीश, एखादी स्वत:च रचलेली चाल; एकदा तर अगदी मी केलेली नवी कविताही मी सादर केलेली आहे. गणेशोत्सवाच्या निमित्ताने आमच्या कुटुंबाचे हे एक छोटे स्नेहसंमेलन घडत असे. यातला आनंद कायम ऊर्जा देत गेला. लग्न झाल्यानंतर माझ्या सासरीही गणपतीची प्रतिष्ठापना होत असल्याने सजावट करणे, खिरापत तयार करणे, पूजा साहित्याची तयारी करणे आणि सर्वांत महत्त्वाचे म्हणजे उकडीचे मोदक करणे ही माझी अत्यंत प्रिय कामे आहेत. त्यात मिळणारे समाधान मला जास्त महत्त्वाचे वाटते.
श्री गणेशाची आराधना मी अगदी मनापासून करते. माझ्या कलेतून म्हणजे संगीतातूनही ही आराधना करण्याचे भाग्य मला मिळाले. काही वर्षांपूर्वी 'टाइम्स म्युझिक'साठी श्री गणेशावरील संस्कृत श्लोकांचे गायन मी केले होते. शंकराचार्यांनी रचलेले ते श्लोक होते. केदार पंडित यांची चाल होती. त्यानंतर गेल्या वर्षी एका कार्यक्रमानिमित्त मुंबईला जात असताना प्रवासात मला गणपतीविषयीचीच एक गीतरचना आणि त्याची चालही सुचली. तेव्हा ते गीत पूर्ण झाले नव्हते. आत्ता लॉकडाउनच्या काळात या गाण्याची पुनर्भेट झाली आणि कविता पूर्ण झाली; पाठोपाठ सूरही आले आणि 'गणराज तुजला वंदितो...' ही रचना तयार झाली. संगीत संयोजक केदार परांजपेने चालीला वाद्यवृंद संयोजनाचा साज चढवला. यूट्युब, फेसबुक आणि इतर समाजमाध्यमांवर आम्ही हे गाणे नुकतेच प्रकाशित केले. गणेशोत्सवानिमित्त नवीन रचना करण्याचा प्रघात लहानपणापासून सुरूच होता; यंदा माझेच गीत, माझेच संगीत आणि माझाच आवाज, असे अनोखे सर्जन घडले. यंदा करोनामुळे गणेशोत्सवाची नेहमीची लगबग नाही; पण ऑनलाइन कार्यक्रम सुरू आहेत. घरच्या गणपतीसमोर बसून तल्लीन होऊन गात असलेले गाणे देशोदेशीच्या रसिकांपर्यंत तंत्रज्ञानामुळे 'लाइव्ह' पोहोचते आहे... एक प्रकारे ही अनोखी मैफल घडते आहे!