म्हणून अनन्या पांडेने स्वत:ला बाथरूममध्ये २० मिनिटं घेतलेलं कोंडून

मुंबई- बॉलीवुड अभिनेत्री अनन्या पांडेचा 'गहराइयां' या आगामी चित्रपटाची चाहते आतुरतेने वाट बघत आहेत. अनन्या बऱ्याच वेळाने एका वेगळ्या भूमिकेत दिसणार आहे. 'गहराइयां' चित्रपटात अनन्या सोबत अभिनेत्री दीपिका पादुकोण, सिद्धांत चतुर्वेदी आणि धैर्य करवा देखील प्रमुख भूमिकेत दिसतील. नुकताच चित्रपटाचा ट्रेलर रिलीज झाला असून प्रेक्षकांच्या पसंतीस उतरत आहे. ट्रेलर लॉंचवेळी चित्रपटाची संपूर्ण कास्ट उपस्थित होती. या दरम्यान अनन्याने सर्वांना एक किस्सा सांगितला.

'पुष्पा'साठी अल्लू अर्जुन आणि रश्मिकाने किती घेतलेलं मानधन

दिग्दर्शिक शकुन बत्रा यांच्यासोबत काम करण्याचं अनन्याचं स्वप्न होतं आणि जेव्हा ती संधी मिळाली तेव्हा ती खूप खुश होती. तिने सांगितलं की, 'शकुन बत्रा आणि आयशा यांनी मला जेव्हा स्क्रिप्ट ऐकवली त्यांना मी मध्येच थांबवलं आणि बाथरूमला जाऊ शकतो का असं विचारलं. त्यानंतर २० मिनिटं झाली तरी बाहेर आले नाही. शकुन यांना वाटलं की मी बेशुद्ध झाले असेन पण तसं नव्हतं, मला विश्वास बसत नव्हता की हा चित्रपट माझ्याकडे आला आहे. मी या चित्रपटाचा एक भाग आहे याचा मला फार आनंद झाला.'


शकुन बत्रासोबत काम करण्याची इच्छा होती

अनन्या पुढे म्हणाली की, 'मला पहिल्यापासूनच शकुन यांच्या चित्रपटात काम करण्याची इच्छा होती. ते माझ्या बकेट लिस्टमधलं एक स्वप्न होतं. या चित्रपटासाठी माझा विचार केला जातं आहे हे कळताच मला सुखद धक्काच बसला. चित्रीकरणासाठी आम्ही दोन महिने गोव्यात होतो आणि विशेष गोष्ट म्हणजे त्या काळात आम्ही सगळे खूप जवळ आलो. आम्ही आता एका कुटुंबासारखे आहोत. या चित्रपटामुळे मी फक्त एक अभिनेत्री म्हणून नाही तर माणूस म्हणूनही खूप काही शिकले.


आगामी चित्रपट

'गहराइयां' या व्यतिरिक्त अनन्या पांडे पुरी जगन्नाथ दिग्दर्शित 'लायगर' या चित्रपटात काम करणार आहे यात तिच्या सोबत साऊथ स्टार विजय देवरकोंडा बॉलिवूडमध्ये पदार्पण करेल. याच बरोबर 'खो गये हम कहा' या चित्रपटात ही प्रमुख भूमिकेत दिसणार असून अर्जुन वरैन सिंग चित्रपटातच दिग्दर्शन करणार आहेत.