हार्दिक पांड्याचा आजीसोबतच्या 'श्रीवल्ली' डान्सवर अल्लु अर्जुनही फिदा, पाहा Video

मुंबई- या वर्षीचा सर्वात सुपर हिट ठरलेला चित्रपट म्हणजे 'पुष्पा.' चित्रपटाच्या कथेप्रमाणेच यातील सगळी गाणी ही प्रेक्षकांच्या पसंतीस उतरली आहेत. यातील संवाद आणि गाण्यावरच्या हुक स्टेप फक्त चाहत्यांमध्येच नाही तर सेलिब्रिटींच्याही ओठांवर आहे. 'पुष्पा'च्या 'श्रीवल्ली' गाण्यावर नेहा कक्कर, सपना चौधरी, आरती सिंह, जन्नत जुबेरसह अनेक सेलिब्रिटींना रील्स बनवून इन्स्टाग्रामवर पोस्ट केल्या आहेत. विशेष म्हणजे या यादीत क्रिकेटर्सही आहेत सुरेश रैना, डेव्हिड वॉर्नर, सूर्यकुमार यादव, रवींद्र जडेजाच नाही तर आता हार्दिक पांड्या यानेही 'पुष्पा' सिनेमातील 'श्रीवल्ली' गाण्यावर डान्स केला आहे.

दिग्दर्शकाने श्रेयस तळपदेला सांगितलं होत लग्न रद्द करायला

हार्दिकने इन्स्टाग्रामवर एक व्हिडिओ पोस्ट केला आहे. ज्यात तो श्रीवल्ली गाण्याच्या हुक स्टेपवर डान्स करताना दिसत आहे. यावेळी हार्दिक एकटाच नाही तर त्याला त्याच्या आजीचीही साथ आहे. हा व्हिडिओ सोशल मीडियावर इतका व्हायरल झाला की चाहत्यांसोबत अल्लू अर्जुनही स्वत:ला कमेंट करण्यापासून रोखू शकला नाही. हार्दिक आणि त्याच्या आजीचा डान्स पाहून अभिनेता त्याच्यावर पूर्णपणे फिदा झाला.


श्रीवल्लीचा व्हिडिओ शेअर करताना हार्दिक पांड्याने कॅप्शनमध्ये लिहिलं की, 'आमची आजी पुष्पा' इन्स्टाग्रामवर आतापर्यंत २१ लाखांहून अधिक लोकांनी या व्हिडिओला लाईक केलं आहे. त्याचवेळी अल्लू अर्जुनच्या कमेंटने सर्वांचं लक्ष वेधून घेतलं. त्याने लिहिलं, 'खूप गोड... आजीसाठी माझं खूप प्रेम आणि आदर आहे. हृदयस्पर्शी व्हिडिओ.' हार्दिकची बायको नताशा स्टॅनकोविकनेही या व्हिडिओवर प्रतिक्रिया दिली आहे. तिने 'क्यूटेस्ट' अशी कमेन्ट लिहीत हार्ट इमोजीशी शेअर केले.

बंपर डोस! ओटीटीवर प्रदर्शित होणार धमाकेदार सीरिज

'पुष्पा' सिनेमाचं दिग्दर्शन सुकुमार यांनी केलं आहे. अल्लू अर्जुन, रश्मिका मंदाना, फहादसह अनेक नामवंत स्टार्सनी यात काम केलं आहे. त्याचबरोबर सामंथा रुथ प्रभूचं आयटम साँगही खूप लोकप्रिय झालं आहे.