रंगोलीनं शेअर केला हृतिकसोबतचा 'तो' फोटो

मुंबई: सोशल मीडियावर बॉलिवूडमधील अनेक कलाकारांना लक्ष्य करण्यासाठी कंगना रणौत आणि बहिण रंगोली चंदेल प्रसिद्ध आहेत. रंगोली चंदेल ट्विटरवर बरीच अॅक्टिव्ह असते. कंगनाच्या बहिणीनं पुन्हा एकदा हृतिकवर निशाणा साधला आहे.

रंगोलीनं हृतिक सोबतचा एक जुना फोटो ट्विट केला आहे. फोटोसोबत रंगोलीनं लिहिलेलं कॅप्शन चर्चेचा विषय ठरत आहे. ‘हा आहे पप्पूजी, माझ्या बहिणीच्या गुड बुक्समध्ये येण्यासाठी एके काळी मला इम्प्रेस करण्याच्या प्रयत्नात असायचा...आणि आज म्हणतो हम आपके हैं कौन...’ रंगोलीचं हे ट्वीट सध्या सोशल मीडियावर प्रचंड व्हायरल होत असून अनेकांनी यावर प्रतिक्रिया वेगवेगळ्या प्रतिक्रिया दिल्या आहेत.

कंगनाच्या बहिणीच्या रडारवर आता करण, करिना आणि आलिया
कंगना आणि हृतिक यांच्यातला वाद नवीन नाहीए. यावादात अनेकदा दोघांकडून आरोप प्रत्यारोप करण्यात आले. यापूर्वी देखील रंगोलीनं ट्विट करत हृतिकबद्दलचा मोठा खुलासा केला होता. हृतिकनं कंगनाला दगा दिल्यानंतर त्याच्या बहिणीनं या प्रकरणात कंगनाची बाजू न घेतल्याबद्दल, माझी आणि कंगनाची माफी मागण्यासाठी अनेकदा फोन आणि मेसेज केले होते. हृतिकला हे कळल्यावर त्यानं स्वत:च्या बहिणीला व्दिध्रुवीय मनोविकार (Bipolar Mood disorder) आहे, असं सिद्ध करण्याचा प्रयत्न केला होता. बिचारीची फार बदनामी करण्यात आली, असं रंगोलीनं ट्विटमध्ये लिहीलं होतं.

कंगना-हृतिक प्रकरणावर रंगोली चंदेलचा मोठा खुलासा