बिग बॉससाठी नवरा परवानगी देणार नाही- अमृता खानविलकर

मुंबई- बिग बॉस सीझन १३ च्या यशानंतर आता १४ व्या सीझनची प्रेक्षक वाट पाहत आहेत. दरम्याान, खतरों के खिलाडी सीझन १० मध्ये सर्वांचं मन जिंकणाऱ्या अमृता खानविलकरला बिग बॉसमध्ये जाणार का असा प्रश्न विचारण्यात आला. अमृताने दिलेलं उत्तर सध्या चर्चेचा विषय ठरत आहे.

अमृताने या प्रश्नाला उत्तर देत म्हटलं की, 'नाही. माझा नवरा मला या शोमध्ये जाण्याची परवानगी देणार नाही.' यानंतर अमृताला यामागचं कारण विचारण्यात आलं. तेव्हा अमृता म्हणाली की, 'हिमांशू फार वेगळा आहे. त्याला घरात भांडण करायलाही आवडत नाही. अशात टीव्हीवर करणं तर फार दूरची गोष्ट आहे. यावर्षीचा सीझन खूप चांगला होता. तो नसतानाच मी हा शो पाहायचे. जेव्हा तो यायचा तेव्हा मी चॅनल बदलायचे.'

शाहरुख खानच्या सासूला बसला ३ कोटींचा दंड

दरम्यान, नुकताच अमृताचा चोरीचा मामला हा सिनेममा प्रदर्शित झाला. सिनेमाला प्रेक्षकांकडून संमिश्र प्रतिसाद मिळाला. गोलमाल या मराठी सिनेमातून सिनेसृष्टीत पदार्पण करणाऱ्या अमृताने अवघ्या काही वर्षांत प्रेक्षकांच्या मनावर स्वतःची छाप सोडली आहे. हिंदी आणि मराठी सिनेमांव्यतिरिक्त तिने अनेक टीव्ही मालिकांमध्येही काम केलं आहे.

अमृताने २०१५ मध्ये अभिनेता हिमांशु मल्होत्राशी लग्न केलं. हिमांशूही टीव्ही जगतातील एक नावाजलेलं नाव आहे. सध्या हिमांशु 'दिल जैसे धडके.. धडकने दो' या मालिकेतून प्रेक्षकांचं मनोरंजन करत आहे.

अनुष्का शर्माच्या अदांचे 'क्या कहने'

दरम्यान, अमृताने काही दिवसांपूर्वी दिलेल्या मुलाखतीत तिला कोणती भूमिका करायला आवडेल याबद्दल सांगितलं होतं. ‘मला बाजीराव-मस्तानी यांच्या कथेतली काशीबाईंची भूमिका साकारायला मिळाली, तर उत्तमच. भूमिकांबाबत बोलायचं, तर रणवीर सिंहनं गलीबॉय चित्रपटात साकारलेली, प्रियांका चोप्रानं बर्फी चित्रपटात केलेली आणि दीपिका पदुकोणची तमाशा चित्रपटातली भूमिका करायला मला आवडेल.’