हो मी अनेकदा जॉनीच्या थोबाडीत मारली आहे…एंबर हर्डनं कोर्टात दिली कबुली

मुंबई: हॉलिवूड स्टार जॉनी डेप आणि त्याची पूर्वपत्नी एंबर हर्ड यांच्यातील वाद कोर्टात गेला आहे. सध्या या वादावर सुनावणी सुरू असल्याने रोज एकेक चर्चेचा विषय गाजत आहे. कधी जॉनी एंबरवर आरोप करतो तर कधी एंबर जॉनीच्या कृत्यांचा पाढा वाचते. जॉनी आणि एंबरच्या या वादात त्यांच्या नोकरांपासून ते बॉडीगार्डपर्यंतच्या साक्षी तपासल्या गेल्या. आता नुकत्याच झालेल्या सुनावणीत एंबरने एक अशी गोष्ट मान्य केली आहे की त्यामुळे या केसला वेगळं वळण मिळण्याची शक्यता आहे.

खरंतर जॉनी आणि एंबर यांच्या आयुष्यातील अत्यंत गंभीर विषयावर कोर्टात सुनावणी सुरू आहे. जॉनीवर एंबरने केलेले आरोप अमान्य करत जॉनीने मानहानी केल्याबद्दल तिला कोर्टात खेचले आहे. जॉनी हॉलिवूडमधील सेलिब्रिटी असल्याने या कोर्टखटल्याची जोरदार चर्चा साऱ्या जगात सुरू आहे. एकमेकांवर आरोपांच्या फैरी झाडत कोर्टाची पायरी चढलेल्या जॉनी आणि त्याची पूर्वपत्नी एंबर यांना आता एकेक प्रश्नांना सामोरं जावं लागत आहे.

'कान्समध्ये गाणं गाऊ नका' अमृता फडणवीस यांची कान्सवारी, सोशल मीडियावर कमेन्टचा महापूर
गेल्या काही दिवसांपासून सुरू असलेल्या या सुनावणीत एंबरने पहिल्यांदाच जॉनीला अनेकदा तिने थोबाडीत मारल्याचं कबूल केलं. अर्थात मी हे पाऊल माझ्या सुरक्षेसाठी उचललं आहे. जॉनीने माझ्यावर जे आरोप केले आहेत ज्यामध्ये मी त्याच्यावर हल्ला केला असा त्याचा दावा आहे तो चुकीचा आहे. आमच्यामध्ये झालेल्या भांडणात मी माझ्या बचावासाठी त्याला थोबाडीत मारली आहे असा मुद्दा एंबरने कोर्टात मांडला आहे. एंबर असंही म्ह्णाली, आमच्या भांडणात जॉनी बरेचदा हिंसक व्हायचा, त्यामुळे मला बचाव करण्यासाठी त्याच्यावर हात उचलावा लागायचा. जॉनीच्या वकीलांनी विचारलेल्या प्रश्नांना उत्तर देताना एंबर म्ह्णाली की, मी आजवर कुणावरच विनाकारण हात उचललेला नाही किंवा हल्ला केलेला नाही. उलट जॉनीने मला मारहाण आणि शारीरीक शोषण केलं आहे.
प्रियांकाच्या कार कलेक्शनमध्ये आली अजून एक कस्टम मेड गाडी, निक जोनसने दिलं खास गिफ्ट

एंबर आणि जॉनी द रम डायरी या सिनेमाच्या निमित्ताने भेटले. त्यानंतर त्यांनी लग्न करण्याचा निर्णय घेतला. २०१५ ला त्यांनी लग्न केलं तर २०१७ मध्ये ते एकमेकांशी पटत नसल्याने विभक्तही झाले. एंबरने जॉनीवर कौटंबिक अत्याचार करत असल्याचा आरोप केला. तर जॉनीने एंबरवर मानहानीचा दावा ठोकला आहे. जॉनीचं म्हणणं आहे की एंबरच्या चुकीच्या आरोपांमुळे त्याचं अभिनय करिअर धोक्यात आल्यानेच तिच्याविरोधात केस केली.

हॉलिवूडची अभिनेत्री एंबर हर्ड आणि हॉलिवूड स्टार जॉनी डेप यांची लव्हस्टोरी आणि त्यांच्या लग्नाची जितकी चर्चा झाली नाही इतकी चर्चा त्यांच्या घटस्फोटाची झाली होती. आणि आता ही जोडी पुन्हा चर्चेत आली आहे ती त्यांच्यात सुरू असलेल्या कोर्टकेसमुळे. एंबरने जॉनीवर कौटुंबिक अत्याचाराची केस केली होती. त्याविरोधात जॉनीने एंबरवर ५० मिलीयन डॉलरच्या मानहानीचा दावा ठोकला आहे. याच केसच्या सुनावणीमुळे ही जोडी चर्चेत आली आहे.