पोस्टमधून शुभेच्छा
एव्हरग्रीन अभिनेते अनिल कपूर आणि सुनीता कपूर यांनी लॉकडाउनच्या काळामध्ये त्यांच्या लग्नाचा छत्तीसावा वाढदिवस साजरा केला. त्यांच्या दोन्ही मुलींनी सोशल मीडियावर त्यांना भरभरुन शुभेच्छा दिल्या. 'तुम्हाला लग्नाच्या वाढदिवसाच्या शुभेच्छा. माझं तुमच्यावर खूप प्रेम आहे आणि मला तुमची खूप आठवण येतेय. लग्नाची छत्तीस वर्ष आणि लग्नाआधी अकरा वर्षांची तुमची रिलेशनशिप ही तर एक जादू आहे. तुमच्या प्रेमकथेत प्रेम, आनंद, कुटुंब सगळ्यांचा समावेश आहे', असं सोनमनं लिहिलं. सोनमनंही लॉकडाउनमध्ये लग्नाचा दुसरा वाढदिवस साजरा केला. या निमित्तानं तिनं पतीसाठी भलीमोठी पोस्ट लिहून आपलं प्रेम व्यक्त केलं. शरद मल्होत्राच्या लग्नाचा पहिला वाढदिवस लॉकडाउनमध्येच होता. त्याविषयी त्यानं सांगितलं, की 'वर्षभर चित्रीकरणामुळे पत्नीला वेळ देऊ शकलो नाही. पण लग्नाच्या वाढदिवसाच्या निमित्तानं गिफ्ट म्हणून मी तिला भरपूर वेळ दिला.'
वाढदिवसाला मदतीचा हात
वरुण धवन यानं त्याच्या ३३ वा वाढदिवस साजरा केला आहे. करोना व्हायरसमुळं वरुण इच्छा असूनही बाहेर त्याचा वाढदिवस सेलिब्रेट करू शकला नाही. पण यंदाचा वाढदिवस त्यानं घरच्यांसोबत खास पद्धतीनं सेलिब्रेट केला. वरुणने वाढदिवसाला हार्ट शेपचा केक कापला. अभिनेता वरुण धवननं त्याचा वाढदिवस वेगळ्या प्रकारे अविस्मरणीय केला. बर्थडे पार्टी करण्याऐवजी त्यानं सामाजिक बांधिलकी दाखवत, मनोरंजन क्षेत्रामध्ये रोजंदारीवर काम करणाऱ्या कामगारांना मदत करण्यासाठी 'एफडब्ल्यूआईसीई'कडे पाच लाख रुपये इतकी रक्कम सुपूर्द केली.
लहानपणी खूप वाईट वाटायचं
लॉकडाऊनमध्ये मी माझा बत्तीसावा वाढदिवस कुटुंबियांबरोबर एकत्र साजरा केला. माझा वाढदिवस उन्हाळी सुट्टीत येतो म्हणून मला लहानपणी खूप वाईट वाटायचं. कारण शाळेत सेलिब्रेशन करता यायचं नाही. घरातच पार्टी करायचो. तेव्हा सोशल मीडियावर अॅक्टिव्ह व्हावं लागत नव्हतं. त्यामुळे ते वाढदिवस खरे वाटायचे. लॉकडाउनमुळे मला कुटुंबाबरोबर वेळ घालवता येतोय. एरवी चित्रीकरणामुळे व्यग्र असायचो. पण, आता चित्रीकरण सुरू झालं, तरी कुटुंबाला वेळ देईन.
-विती कौशल
मुलांचा वाढदिवस केला साजरा
अभिनेता आयुषमान खुराना व त्याची पत्नी ताहिरा कश्यप यांनी मिळून घरातच मुलगी वरुश्काचा सहावा वाढदिवस साजरा केला. वरुश्काच्या वाढदिवसासाठी त्यांनी टाकाऊ वस्तूंपासून घराची सजावट केली होती. हृतिक रोशन आणि सुझान या दोघांनी मुलांचा वाढदिवस घरच्याघरी एकत्र येऊन साजरा केला. संजय कपूर यांनीदेखील मुलाचा वाढदिवस घरच्याघरीच केक कापून साजरा केला.