माहेरची साडीसाठी या बॉलिवूड अभिनेत्रीला होती पहिली पसंती, अलका कुबल यांनीच केला खुलासा

मुंबई: अभिनेत्री अलका कुबल-आठल्ये आणि 'माहेरची साडी' हे समीकरण मराठी सिनेसृष्टीत सुपरडुपरहिट ठरलं. अनेक महिलांनी ही भूमिका पाहून अश्रू मोकळे झाल्याची भावना व्यक्त केली. तेव्हाच्या सोशिक स्त्रीचे दबलेलं दुःख त्या अश्रूंमधून वाहिले असेल, तर माझ्यासाठी तेच मोठे समाधान आहे. या भूमिकांनी महाराष्ट्रभरात नात्यांचा ठेवा दिला,असं अलका कुबल सांगतात.
त्या संध्याकाळी नेमकं काय घडलं? सुष्मिता सेनच्या भावानं बदलला घटस्फोटाचा निर्णय

'लक्ष्मी' या भूमिकेमुळं अलका कुबल घराघरातं पोहचल्या. पण 'माहेरची साडी'शिवाय अलका कुबल या अपूर्ण आहेत, असं त्या स्वत:च मान्य करतात. त्याकाळच्या हिट सिनेमांपैकी तो एक सिनेमा होता. १९९१च्या काळात बॉक्स बॉफिसवर ११८ आठवडे 'माहेरची साडी' हिट ठरला. विजय कोंडके यांना सिनेमात लक्ष्मीच्या भूमिकेसाठी अभिनेत्री भाग्यश्री पटवर्धन हवी होती. अलका कुबल यांच्या नावाला सुरुवातीला विरोध होता. पण, एन.एस. वैद्य, पितांबर काळे यांनी आग्रहास्तव अलका यांना या सिनेमात घेतलं.
बनवाबनवीमध्ये कोणाला घ्यायचं यावर माझं दुमत होतं,पण...सचिन पिळगांवकरांनी सांगितला तो किस्सा
'माहेरची साडी' करण्यापूर्वी अलका यांनी मराठीत २५-३० सिनेमे केले होते. त्यामुळं विजय कोंडके यांना हिंदीतला चेहरा किंवा नवीन चेहरा हवा होता. पण, योगायोगानं अलका याचं नाव सिनेमासाठी नक्की झालं. सिनेमाचं चित्रीकरण सुरु झाल्यानंतर दिग्दर्शक विजय कोंडके आणि अलका याच्यात वादही सुरू झाले. सिनेमाच्या कथानकात अलका यांना खूप अतिशोयक्ती वाटत होती. पण, दिग्दर्शक म्हणून त्यांचा अभ्यास आणि निरीक्षणं किती महत्त्वाची होती, हे मला या सिनेमानं अभूतपूर्व यश मिळवल्यावर जाणवलं, असं अलका कुबल आता म्हणतात.