Indian Cricketer Harbhajan Singh Is All Set To Make His Acting Debut With 'friendship'
हरभजन सिंह करतोय बॉलिवूडमध्ये एन्ट्री!
आपल्या गोलंदाजीने खेळाचं मैदान गाजवणारा माजी क्रिकेटपटू हरभजन सिंह आता सिनेमाच्या दुनियेतही धम्माल करणार आहे. 'फ्रेंडशीप' नावाचा त्याचा सिनेमा येतोय. यात हरभजन चक्क अभिनय करणार आहे. विशेष म्हणजे तो या सिनेमात प्रमुख भूमिकेत असणार आहे.
महाराष्ट्र टाइम्स.कॉम2 Feb 2020, 11:02 pm
मुंबई:
महाराष्ट्र टाइम्स.कॉम
आपल्या गोलंदाजीने खेळाचं मैदान गाजवणारा माजी क्रिकेटपटू हरभजन सिंह आता सिनेमाच्या दुनियेतही धम्माल करणार आहे. 'फ्रेंडशीप' नावाचा त्याचा सिनेमा येतोय. यात हरभजन चक्क अभिनय करणार आहे. विशेष म्हणजे तो या सिनेमात प्रमुख भूमिकेत असणार आहे.
पहिल्यांदाच एखादा क्रिकेटपटू सिनेमात प्रमुख भूमिका साकारणार आहे. या सिनेमाच्या निर्मात्यांनी भज्जीच्या या रोलची घोषणा सोशल मीडियावर केली आहे.
सिनेमाचे पोस्टरही रीलीज
हरभजन सिंहचा हा पदार्पणाचा सिनेमा कसा असेल, याबाबत त्याच्या चाहत्यांना खूप उत्सुकता असणार आहे. दरम्यान निर्मात्यांनी या सिनेमाचा फर्स्ट लुक ट्विटरवर पोस्ट केला आहे. यासोबत लिहिलंय, 'भारतीय सिनेमात पहिल्यांदाच क्रिकेटपटू हरभजन सिंह अपकमिंग फिल्म 'फ्रेंडशीप' मध्ये लीड रोल करणार आहे.' या सिनेमाच्या पोस्टरमध्ये कोणाचा चेहरा तर दिसत नाहीए, पण हातात बेडी असलेले दोन हात दिसत आहेत. शिवाय एक क्रिकेटचं रिकामं मैदानही दिसत आहे.
हरभजन सिंहने देखील या सिनेमाचं पोस्टर आपल्या ट्विटर अकाउंटवरून शेअर केलं आहे. या सिनेमाचे दिग्दर्शक जेपीआर आणि शाम सूर्या आहेत. जेपीआर आणि स्टालिन यांनी सिनेमाची निर्मितीही केली आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.