मुंबई: अभिनेता श्रेयस तळपदे आणि क्रिकेट यांचं एक वेगळच नातं आहे. श्रेयसने 'इक्बाल' सिनेमात साकारलेली भूमिका, त्याचप्रमाणे 'कौन प्रवीण तांबे'मधील त्याचं काम या दोन्ही भूमिकांवर चाहत्यांनी विशेष प्रेम केले आहे. त्याने साकारलेला क्रिकेटर प्रेक्षकांना आवडतो. त्यामुळे आणखी एका क्रिकेटपटूच्या बायोपिकमध्ये जर श्रेयस दिसला तर आश्चर्य वाटायला नको. आता तर चक्क भारताच्या एका स्टार क्रिकेटपटूने इच्छा व्यक्त केली आहे की, जर त्याच्या आयुष्यावर बायोपिक बनला तर त्यामध्ये श्रेयसने त्याची भूमिका साकारावी.
भारताचा हा स्टार क्रिकेटर आहे सूर्यकुमार यादव. मीडिया रिपोर्ट्सनुसार सूर्याने एका मुलाखतीमध्ये त्याची विराट कोहलीसोबतची बाँडिंग याविषयी बोलताना विविध गोष्टींचा खुलासा केला. यावेळी त्याने जर त्याचा बायोपिक बनला तर त्यात त्याची भूमिका कोण साकारेल याविषयी इच्छाही व्यक्त केली. सूर्यकुमारच्या मते, श्रेयस तळपदेने बायोपिकमध्ये माझी भूमिका साकारावी अशी माझी इच्छा आहे. कारण या मराठी अभिनेत्याने त्याच्या 'कौन प्रवीण तांबे' (२०२२) आणि इक्बाल (२००५) या हिट चित्रपटांमध्ये क्रिकेटरच्या भूमिका केल्या आहेत. ESPNcricinfo शी बोलताना त्याने याविषयी भाष्य केले.
हे वाचा-विजय देवरकोंडा ईडीसमोर झाला हजर; करण जोहरच्या सिनेमामुळे फसला अभिनेता?
इक्बाल या सिनेमात श्रेयस तळपदेने अशा कर्णबधिर मुलाची भूमिका साकारली आहे जो उत्तम क्रिकेट खेळत असतो. त्याची मोठी स्वप्न असतात. तर 'कौन प्रवीण तांबे'मध्ये श्रेयसने क्रिकेटपटू प्रवीण तांबेची भूमिका साकारली आहे.
दरम्यान 'स्काय'ची खेळी गेल्या काही काळापासून भारतीय क्रिकेटरसिंकांसाठी पर्वणी ठरली आहे. जेव्हा त्याची बॅट तळपते तेव्हा भारताचा विजय निश्चित, असे जणू समीकरण झाले आहे. विराट कोहली किंवा रोहित शर्मासारख्या जबरदस्त क्रिकेटपटूंच्या यादीमध्ये आता सूर्याचेही नाव घेतले जात आहे.
दरम्यान भारताचा स्टार खेळाडू विराट कोहलीने टी-२० विश्वचषक गाजवला, पण सूर्याही मागे नव्हता. कोहलीने ४ अर्धशतकांच्या सहाय्याने एकूण सहा डावांत सर्वाधिक २९६ धावा केल्या, पण सूर्यकुमारने १८९.६८ च्या प्रभावी स्ट्राईक रेटने या सहा डावांत २३९ धावा केल्या. कोहली आणि सूर्याची खेळी विश्वचषकामध्ये कमाल करणारी ठरली होती. दरम्यान त्याने अलीकडेच झालेल्या न्युझीलंडविरुद्धच्या टी-२० सामन्यात १११ धावांची खेळी केली. सूर्याने असेही म्हटले आहे की त्याला कोहलीच्या फिटनेसचे विशेष कौतुक आहे आणि त्याला त्याच्यासोबत बॅटिंग करायला आवडते.
भारताचा हा स्टार क्रिकेटर आहे सूर्यकुमार यादव. मीडिया रिपोर्ट्सनुसार सूर्याने एका मुलाखतीमध्ये त्याची विराट कोहलीसोबतची बाँडिंग याविषयी बोलताना विविध गोष्टींचा खुलासा केला. यावेळी त्याने जर त्याचा बायोपिक बनला तर त्यात त्याची भूमिका कोण साकारेल याविषयी इच्छाही व्यक्त केली. सूर्यकुमारच्या मते, श्रेयस तळपदेने बायोपिकमध्ये माझी भूमिका साकारावी अशी माझी इच्छा आहे. कारण या मराठी अभिनेत्याने त्याच्या 'कौन प्रवीण तांबे' (२०२२) आणि इक्बाल (२००५) या हिट चित्रपटांमध्ये क्रिकेटरच्या भूमिका केल्या आहेत. ESPNcricinfo शी बोलताना त्याने याविषयी भाष्य केले.
हे वाचा-विजय देवरकोंडा ईडीसमोर झाला हजर; करण जोहरच्या सिनेमामुळे फसला अभिनेता?
इक्बाल या सिनेमात श्रेयस तळपदेने अशा कर्णबधिर मुलाची भूमिका साकारली आहे जो उत्तम क्रिकेट खेळत असतो. त्याची मोठी स्वप्न असतात. तर 'कौन प्रवीण तांबे'मध्ये श्रेयसने क्रिकेटपटू प्रवीण तांबेची भूमिका साकारली आहे.
दरम्यान 'स्काय'ची खेळी गेल्या काही काळापासून भारतीय क्रिकेटरसिंकांसाठी पर्वणी ठरली आहे. जेव्हा त्याची बॅट तळपते तेव्हा भारताचा विजय निश्चित, असे जणू समीकरण झाले आहे. विराट कोहली किंवा रोहित शर्मासारख्या जबरदस्त क्रिकेटपटूंच्या यादीमध्ये आता सूर्याचेही नाव घेतले जात आहे.
दरम्यान भारताचा स्टार खेळाडू विराट कोहलीने टी-२० विश्वचषक गाजवला, पण सूर्याही मागे नव्हता. कोहलीने ४ अर्धशतकांच्या सहाय्याने एकूण सहा डावांत सर्वाधिक २९६ धावा केल्या, पण सूर्यकुमारने १८९.६८ च्या प्रभावी स्ट्राईक रेटने या सहा डावांत २३९ धावा केल्या. कोहली आणि सूर्याची खेळी विश्वचषकामध्ये कमाल करणारी ठरली होती. दरम्यान त्याने अलीकडेच झालेल्या न्युझीलंडविरुद्धच्या टी-२० सामन्यात १११ धावांची खेळी केली. सूर्याने असेही म्हटले आहे की त्याला कोहलीच्या फिटनेसचे विशेष कौतुक आहे आणि त्याला त्याच्यासोबत बॅटिंग करायला आवडते.