या नेत्याला डेट करतेय अभिनेत्री परिणिती चोप्रा? त्या फोटोमुळं चर्चेला उधाण

मुंबई: बॉलिवूड अभिनेत्री स्वरा भास्कर हिनं , समाजवादी पार्टीचा नेता फहाद अहमद याच्यासोबत लग्नगाठ बांधली. आता आणखी एक अभिनेत्री राजकिय पक्षाच्या नेत्याला डेट करतेय, अशा चर्चा सुरू झाल्या आहेत. या चर्चेला कारण ठरतंय त्यांना व्हायरल होणारा एक फोटो. बॉलिवूड अभिनेत्री परिणिती चोप्रा आम आदमी पक्षाच्या नेत्याला डेट करतेय अशा चर्चांना उधाण आलं आहे.

परिणिती चोप्रा आणि आम आदमी पक्षाचे नेते राघव चढ्ढा यांना एका रेस्टॉरंटच्या बाहेर स्पॉट करण्यात आलं. त्यांचे फोटो व्हायरल झाल्यानंतर त्यांच्या नात्याबद्दल चर्चा सुरू झाल्या आहेत.

परिणिती आणि राघव यांना एकत्र स्पॉट करण्यात आल्यानंतर नेटकऱ्यांनी त्यांना हवा अंदाज बांधयाला सुरुवात केली. दोघंही एका रेस्टॉरंटच्या बाहेर कॅज्युअल लुकमध्ये स्पॉट झाले. दोघांनीही पांढऱ्या रंगाचा शर्ट घातला होता. पण यावर सध्या काहीही बोलणं योग्य ठरणार नाही.

हे असू शकतं भेटीचं कारण
परिणिती आणि राघव यांच्या भेटीमागं आणखी एक खास कारण असल्याचं म्हटलं जात आहे. जानेवारी महिन्यात दोघांनाही 'भारत यूके आउटस्टॅडिंग अचीव्हर ऑनर्स'नं सन्मानित करण्यात आलं होतं.

कर्ज, डाऊनपेमेंट, खर्च ...मुंबईत घर घेतल्यानंतर वर्षभरानंतर सिद्धार्थ चांदेकरची पोस्ट
१५ वर्षांपूर्वी परिणितीनं मॅनचेस्टर स्कूलमधून शिक्षण घेतलं होतं. तर राघव यांनी लंडन स्कूल ऑफ इकॉनिमिक्समधून पदवी घेतली आहे.

परिणिती चोप्राच्या कामाबद्दल बोलायचं झालं तर, 'द गर्ल ऑन दी ट्रेन'या चित्रपटात ती दिसली होती. 'द गर्ल ऑन दी ट्रेन' याच नावानं बनवलेल्या इंग्रजी सिनेमाचा हा हिंदी रिमेक होता. सस्पेन्स थ्रिलर सिनेमा गेल्यावर्षी प्रदर्शित झाला होता.

रिभू दासगुप्ता यांच्या दिग्दर्शनाखाली तयार करण्यात आलेला हा चित्रपट ओटीटी प्लॅटफॉर्मवर प्रदर्शित झाला होता. नेटफ्लिक्सवर प्रदर्शित झालेल्या या सिनेमात किर्ती कुल्हारी आणि आदिती राव हैदरी यांच्याही महत्त्वपूर्ण भूमिका आहेत.
ओम फट्ट स्वाहा! पुन्हा पसरणार तात्या विंचूची दहशत; महेश कोठारेंची मोठी घोषणा
२०११ मध्ये रिलीज झालेल्या लेडीज वर्सेस रिकी बहल या चित्रपटातून परिणितीनं बॉलिवूड डेब्यू केला होता मात्र तिला खरी ओळख ही २०१२ मध्ये आलेल्या 'इश्कजादे'मधून मिळाली होती.