कौशलांच्या घरी कुणीतरी येणार गं? कतरिना कैफच्या या फोटोमुळं मिळतेय चर्चेला हवा

मुंबई: अभिनेत्रीचं लग्न झालं, की लगेचच तिच्यामागं ‘गुड न्यूज केव्हा देणार?’ या प्रश्नाचा भडीमार होऊ लागतो. अभिनेत्री कतरिना कैफलाही सध्या याच प्रश्नाला सामोरं जावं लागत आहे. तसंच तिनं ख्रिसमस निमित्तानं शेअर केलेल्या एका फोटोमुळं कतरिना गरोदर असल्याच्या चर्चांना हवा मिळत आहे.

कतरिना कैफ आणि विकी कौशल यांनी कुटुंबिय आणि जवळच्या मित्र-मैत्रिणींसोबत ख्रिसमस साजरा केला. कतरिनानं काही फोटो सोशल मीडियावर शेअर केले आहेत. यातील एका फोटो कतरिना, विकी, सनी कौशल, विकीचे बाबा शाम कौशल आई वीना कौशल आणि कतरिनाची बहीण इसाबेल दिसतायत. पण चर्चा मात्र कतरिनाचीच होतेय. त्याला कारण म्हणजे, ती या फोटोत सगळ्यांच्या मागं उभी आहे. बेबी बंप लपवण्यासाठी ती मागं उभी राहिली आहे, अशी सोशल मीडियावर चर्चा सुरू आहे.

खरं तर गेल्या काही दिवसांपासून कतरिनाच्या गरोदर असण्याच्या चर्चा रंगल्या आहेत. एका मुलाखतीत बोलताना तिनं यावर उत्तर दिलं होतं. कलाकार असल्यानं लोकांना आपल्या खासगी आयुष्याबद्दल असणारी उत्सुकता आणि त्यापोटी येणाऱ्या प्रश्नांची सवय असल्यानं कतरिनानं ‘आधी हाती असलेले सिनेमे संपवते,’ असं उत्तर दिलं होतं.
null


दरम्यान, एका मुलाखतीमध्ये कतरिनाला विचारलं होतं की, विकी कौशलबरोबर लग्न झाल्यानंतर तिच्या आयुष्यामध्ये काय बदल झाला. त्याला उत्तर देताना तिनं सांगितलं की,'लग्नानंतर विकी कायम माझ्या आसपास असतो. त्यामुळे माझ्या आयुष्यात खूप शांतता आणि ठहराव आला आहे. मी जशी आहे तशी त्यानं मला स्वीकारलं आहे. मी खूप हायपर, खूप विचार करणारी आणि पॅनिक होते. परंतु त्याचा स्वभाव याच्या बरोबर उलटा आहे. हा समतोल उत्तम संसारासाठी आवश्यक आहे.'