गायक जॉन प्राइन यांचं करोना संसर्गाने निधन

मुंबई: आतापर्यंत जगातील हजारो लोकांना करोना व्हायरसमुळे आपला जीव गमवावा लागलाय. मंगळवारी ग्रॅमी पुरस्कार विजेते गायक आणि गीतकार जॉन प्राइन यांचं देखील करोना संसर्गामुळे वयाच्या ७३ व्यावर्षी निधन झालं. जॉन यांना कोरोनाची लक्षणं दिसून येत होती, त्यांना श्वास घेण्यास त्रास होत असल्याचं जॉन यांची पत्नी आणि मॅनेजर फिओना प्राइन यांनी सांगितलं.

१० ऑक्टोबर १९४६ रोजी शिकागो येथे जन्मलेले जॉन वयाच्या १४व्या वर्षी गिटार वाजवायला शिकले. त्यानंतर त्यांनी शाळेत लोकसंगीताचा अभ्यास केला. पदवीनंतर त्यांनी ५ वर्ष संगीत क्षेत्रात काम केले. तेव्हा त्यांनी गाणीही लिहायला सुरुवात केली. व्हिएतनाम युद्धादरम्यान जॉन यांनी काही काळ अमेरिकन सैन्यातही सेवा बजावली.

पुढे मात्र जॉन यांनी संगीताची आवड जोपासली आणि त्यांना लोकप्रियताही मिळाली. १९९१मध्ये जॉन प्राइन यांना सर्वोत्कृष्ट कंटेम्पररी फॉक अल्बमसाठी ग्रॅमी पुरस्कार मिळाला. आणि त्याच विभागात २००५ मध्ये त्यांना दुसरा ग्रॅमी पुरस्कार मिळाला. तसंच त्यांना २०१९ मध्ये ‘द रेकॉर्डिंग अ‍ॅकॅडमी’चा जीवनगौरव पुरस्कार ही मिळाला होता. २०१३ मध्ये जॉन यांना फुफ्फुसाचा कर्करोगाचा झाला होता. मात्र औषधोपचाराने त्यावेळी तो पूर्णपणे बरा झाला होता.

लोकांच्या अशाही करामती, फेसबुक हॅक करत सांगितलं शेफाली शहा करोना पॉझिटिव्ह !


प्राजक्ता माळी चाहत्यांना देतेय योगाचे धडे