कंगना रणौतसाठी ही मराठमोळी अभिनेत्री आहे रिअल क्वीन, सिनेमा पाहून म्हणाली 'जिंदाबाद'

मुंबई- कंगना रणौतनेही शेवटी दुल्कर सलमान आणि मृणाल ठाकूर यांचा 'सीता रामम' चित्रपट पाहिला आणि चित्रपट पाहिल्यानंतर तिने संपूर्ण जगासोबत परिस्थिती शेअर केली. या चित्रपटाला प्रेक्षक आणि समीक्षकांकडून भरभरून दाद मिळाली आणि आता कंगनानेही या चित्रपटाचे आणि त्यात दिसलेल्या कलाकारांचे खुलेपणाने कौतुक केले आहे. एवढेच नाही तर तिने सोशल मीडियावर पोस्ट शेअर करत सिनेमाच्या संपूर्ण टीमचे मनोबल वाढवले आहे.

आमिरच्या मुलीचा झाला साखरपुडा, मराठमोळ्या बॉयफ्रेंडशी करणार लग्न

कंगनाने पाहिला 'सीता रामम' सिनेमा

कंगनाने तिच्या इन्स्टाग्राम स्टोरीवर सिनेमाचं भरभरून कौतुक केलं. तिने पोस्टमध्ये लिहिलं की, 'अखेर मला सीता रामम पाहण्याचा वेळ मिळाला आणि सांगायलाच हवे की किती छान अनुभव आहे. एक महाकाव्य प्रेमकथा, विलक्षण पटकथा आणि दिग्दर्शन. अभिनंदन हनु राघवपुडी, सर्व विभागांनी अप्रतिम काम केलं आहे. #सीतारामम.'


'ती खऱ्या अर्थाने राणी आहे... जिंदाबाद ठाकूर साब'

कंगनाने तिच्या स्टोरीमध्ये मुख्य अभिनेत्री मृणाल ठाकूरचं वेगळं कौतुक केलं. अभिनेत्रीने लिहिलं की, 'जरी सर्व कलाकारांनी उत्कृष्ट काम केले असलं तरी माझ्या मते सर्वात आश्चर्यकारक व्यक्ती म्हणजे मृणाल ठाकूर, इतकी अप्रतिम अशी कोणतीही अभिनेत्री. मृणालने जी राजकुमारी नूरजहान म्हणजेच सीता महालक्ष्मीची भूमिका साकारली तशी कोणतीही अभिनेत्री करूच शकत नाही. कास्टिंग म्हणजे काय? ती खऱ्या अर्थाने राणी आहे... जिंदाबाद ठाकूर साब.'


'इमर्जन्सी' सिनेमाच्या शूटिंगमध्ये व्यग्र

तेलगू भाषेत चित्रीत केलेला हा रोमँटिक चित्रपट हनु राघवपुडी यांनी लिहिला आणि दिग्दर्शित केला आहे. कामाच्या आघाडीवर बोलायचं झालं तर, कंगना सध्या आगामी 'इमर्जन्सी' सिनेमाच्या शूटिंगमध्ये व्यग्र आहे, ज्याचं ती स्वतः दिग्दर्शन करत आहे.