करोना रुग्णांचा प्राण वाचवण्यासाठी सरसावली कनिका कपूर, डोनेट करणार प्लाज्मा

लखनऊ- बॉलिवूड गायिका कनिका कपूरने करोनामुक्त झाल्यानंतर इतर रुग्णांची मदत करण्याचा निर्णय घेतला आहे. करोनाग्रस्तांच्या उपचारांसाठी प्लाज्मा डोनेट करण्याचं तिने निश्चित केलं आहे. यासाठी तिने सोमवारी संध्याकाळी किंक जॉर्ज मेडिकल युनिव्हर्सिटीमध्ये रक्ताची चाचणीही केली. जर सर्व ठीक असेल तर तिच्या शरीरातील ५०० मिली प्लाज्मा केजीएमयूचे डॉक्टर काढून घेतील.

अक्षय कुमारने मुंबई पोलिसांसाठी उघडली तिजोरी

प्लाज्मा डोनेट करण्यासाठी लवकर बोलावलं

केजीएमयूच्या ब्लड ट्रान्सफ्यूजन मेडिसीन विभागाचे अध्यक्षा डॉ. तूलिका चंद्रा म्हणाल्या की, कनिकाने सोमवारी संस्थेच्या डॉक्टरांकडे प्लाज्मा दान करण्याची इच्छा व्यक्त केली. यानंतर लगेच डॉक्टरांनी तिला सॅम्पल टेस्टसाठी बोलावले आणि सर्व योग्य असेल तर तिच्या शरीरातील प्लाज्मा घेण्यात येतील.

तीन रुग्णांनी दान केले प्लाज्मा

तूलिका चंद्रा म्हणाल्या की, आतापर्यंत केजीएमयूमध्ये करोनामुक्त झालेल्या तीन रुग्णांनी त्यांचे प्लाज्मा दान केले आहेत. यात एक डॉक्टर तौसीफ खान, एक कॅनेडियन हिला डॉक्टर आणि अजून एका रुग्णाचा सहभाग आहे. यानंतर कनिका चौथी रुग्ण आहे जी आपलं प्लाज्मा केजीएमयूला दान करेल.

महाराष्ट्र पोलिसांना मिळाली मनी हिस्टची साथ

केजीएमयूमध्ये दिले गेले करोनाग्रस्ताला पहिली प्लाज्मा थेरपी

रविवारी संध्याकाळी किंग जॉर्ज मेडिकल युनिव्हर्सिटीमध्ये करोनाग्रस्ताला पहिल्यांदा प्लाज्मा थेरपी दिली गेली. ५८ वर्षांच्या डॉक्टरवर ही प्लाज्मा थेरपी देण्यात आली. याशिवाय प्लाज्मा दान करणारी पहिली कॅनेडियन डॉक्टर होती जी करोनारुग्ण होती. मात्र उपचारांनंतर ती करोना मुक्त झाली. केजीएमयू डॉक्टरांनी सांगितल्यानुसार, ज्या रुग्णांना प्लाज्मा थेरपी दिली त्यांच्यावर नजर ठेवली जात आहे. सर्व काही योग्य असल्यास त्यांना दुसरा डोसही देण्यात येईल.