मुंबई टाइम्स टीम
अभिनेता रणवीर सिंगच्या '८३' या चित्रपटाची सध्या बरीच चर्चा आहे. या सिनेमात सुप्रसिद्ध क्रिकेटपटू कपिल देव यांची भूमिका रणवीर साकारताना दिसणार आहे. रणवीर ही भूमिका कशी साकारू शकेल याबाबत खुद्द कपिल यांना सुरुवातीला शंका होती. तसं त्यांनी एका कार्यक्रमात बोलून दाखवलं.
'एखादा अभिनेता एका खेळाडूची व्यक्तिरेखा साकारताना कितपत यशस्वी होऊ शकतो याविषयी माझ्या मनात शंका होती. पण, भूमिकेच्या निमित्तानं मी रणवीरबरोबर बराच वेळ घालवला. तेव्हा मला त्याची मेहनत मला दिसू लागली. गेल्या वर्षी जून-जुलै महिन्यात तो आठ तास मैदानावर घालवत असे. तो माझ्याबरोबर सात-आठ दिवस सलग राहिलाय. तो माझ्यासमोर नेहमी कॅमेरा ठेवत असे. मी कसा बोलतो, कसा खातो, काय करतो हे सगळं तो रेकॉर्ड करून घ्यायचा. जेणेकरून त्याला माझी व्यक्तिरेखा साकारताना त्याची मदत होईल', कपिल त्या कार्यक्रमात सांगत होते.
हा चित्रपट चाहत्यांची उत्सुकता वाढवणारा असून, तो काही दिवसांपूर्वी प्रदर्शित होणार होता. परंतु लॉकडाउनमुळे या सिनेमाला वाट पाहावी लागली. हा चित्रपट ओटीटीवर येणार का याविषयीही उत्सुकता होती. पण, '८३' चित्रपटगृहांतच प्रदर्शित करण्याचा निर्णय निर्मात्यांनी घेतला आहे.
'८३' चित्रपट १९८३ च्या क्रिकेट विश्वचषक विजयावर आधारित आहे. '८३' चित्रपटचे दिग्दर्शन कबीर खान केलं असून . या चित्रपटातून कपिल देव यांची मुलगी आमिया दिग्दर्शन क्षेत्रात पदार्पण करतेय. तिनं या चित्रपटासाठी सहाय्यक दिग्दर्शक म्हणून काम पाहिलं आहे.
अभिनेता रणवीर सिंगच्या '८३' या चित्रपटाची सध्या बरीच चर्चा आहे. या सिनेमात सुप्रसिद्ध क्रिकेटपटू कपिल देव यांची भूमिका रणवीर साकारताना दिसणार आहे. रणवीर ही भूमिका कशी साकारू शकेल याबाबत खुद्द कपिल यांना सुरुवातीला शंका होती. तसं त्यांनी एका कार्यक्रमात बोलून दाखवलं.
'एखादा अभिनेता एका खेळाडूची व्यक्तिरेखा साकारताना कितपत यशस्वी होऊ शकतो याविषयी माझ्या मनात शंका होती. पण, भूमिकेच्या निमित्तानं मी रणवीरबरोबर बराच वेळ घालवला. तेव्हा मला त्याची मेहनत मला दिसू लागली. गेल्या वर्षी जून-जुलै महिन्यात तो आठ तास मैदानावर घालवत असे. तो माझ्याबरोबर सात-आठ दिवस सलग राहिलाय. तो माझ्यासमोर नेहमी कॅमेरा ठेवत असे. मी कसा बोलतो, कसा खातो, काय करतो हे सगळं तो रेकॉर्ड करून घ्यायचा. जेणेकरून त्याला माझी व्यक्तिरेखा साकारताना त्याची मदत होईल', कपिल त्या कार्यक्रमात सांगत होते.
हा चित्रपट चाहत्यांची उत्सुकता वाढवणारा असून, तो काही दिवसांपूर्वी प्रदर्शित होणार होता. परंतु लॉकडाउनमुळे या सिनेमाला वाट पाहावी लागली. हा चित्रपट ओटीटीवर येणार का याविषयीही उत्सुकता होती. पण, '८३' चित्रपटगृहांतच प्रदर्शित करण्याचा निर्णय निर्मात्यांनी घेतला आहे.
'८३' चित्रपट १९८३ च्या क्रिकेट विश्वचषक विजयावर आधारित आहे. '८३' चित्रपटचे दिग्दर्शन कबीर खान केलं असून . या चित्रपटातून कपिल देव यांची मुलगी आमिया दिग्दर्शन क्षेत्रात पदार्पण करतेय. तिनं या चित्रपटासाठी सहाय्यक दिग्दर्शक म्हणून काम पाहिलं आहे.