आलियाच्या प्रेग्नंसीबद्दल विचारताच करिना कपूर भडकली; म्हणाली मी कशाला...

मुंबई: अभिनेत्री करिना कपूर सध्या चर्चेत आली आहे. तिचा आगामी 'लाल सिंग चढ्ढा' हा चित्रपट लवकरच प्रेक्षकांच्या भेटीला येणार आहे. या चित्रपटाच्या प्रमोशनमध्ये सध्या करिना व्यग्र आहे. या चित्रपटाला अनेक संकटांना सामोरं जावं लागलं होतं. करोनामुळं या चित्रपटाचं शूटिंग रखडलं होतं. अखेर हा चित्रपट प्रेक्षकांच्या भेटीला येत आहे.

या चित्रपटाच्या प्रमोशनदरम्यान करिनानं अनेक गोष्टी शेअर केल्या. शूटिंगचे किस्से, गंमती जमती सांगितल्या. या चित्रपटाच्या शूटिंगदरम्यान करिना प्रेग्नंट होती. असं असलं तरी चित्रपटाच्या टीमनं तिला सांभाळून घेतल्याचंही करिनानं सांगितलं. पण एका प्रश्नामुळं करिनाचा पारा चढल्याचं पाहायला मिळालं.
दीपूच्या मंगळसूत्राचं डिझाइन पाहिलं का? चाहत्यांना आठवली 'वैदेही'; पाहा Photo
करिनाला आलिया भट्ट हिच्या प्रेग्नंसीवरुन प्रश्न विचारण्यात आला होता. हा प्रश्न ऐकताच करिना भडकल्याचं पाहायला मिळालं. आलियाला काही प्रेग्नंसी टीप्स देणार का? असा प्रश्न करिनाला विचारण्यात आला होता. पण आलियाबद्दल प्रश्न विचारलेलं करिनाला काही आवडलं नाही.
Kareena Kapoor Pregnant: करिना तिसऱ्यांदा प्रेग्नंट? लपवण्याचा प्रयत्न करूनही दिसला बेबी बंप
काय म्हणाली करिना?मला हे कळत नाही की, मी दुसऱ्यांच्या गरोदरपणावर का बोलावं, का प्रतिक्रिया द्यावी. आणि अशा काळात कुणी कुणाला काही सांगण्याच्या फंद्यात पडू नये. मलाही कोण काही टीप्स देत असल्यास आवडायचं नाही', असं करिना म्हणाली.