मुंबई: बॉलिवूडमध्ये सध्या बायोपिकचं वारं सुटलं आहे. पण सर्वच जीवनपट हिट ठरतातच असं नाही. नुकताच एक बायोपिक प्रदर्शित झाला असून या चित्रपटाची सध्या प्रचंड चर्चा आहे. हा चित्रपट आहे एका मराठमोळ्या क्रिकेटपटूच्या आयुष्यावर आधारित. चित्रपट प्रदर्शित होण्यापूर्वी सर्वांनाच एक प्रश्न पडला होता, तो म्हणजे, कौन प्रविण तांबे? या प्रश्नाचं उत्तर या चित्रपटातून प्रेक्षकांना मिळालं.
सर्वांच्याच आयुष्यात चढउतार असतात, पण एखाद्याच्या बाबतीत परिस्थिती जास्तच कठोर होतो. १७-१८ व्या वर्षी आयपीएलमध्ये पदार्पण करणारे खेळाडू असताना वयाच्या ४१ व्या वर्षी प्रविण तांबे यांनी पहिली आयपीएचा सामना खेळला. यावरून त्यांचं क्रिकेटप्रेम, स्वप्नांचा पाठलाग करण्याची जिद्द दिसून येते. फक्त खेळाच्याच बाबतीत नव्हे तर वैयक्तीक आयुष्यात आलेले अनेक प्रसंग मनाला चटका लावून जातात, अशा प्रतिक्रिया प्रेक्षकांकडून येत असतानात स्वत:चा भुतकाळ पुन्हा पाहताना प्रविण तांबे यांची झालेली अवस्था एका व्हिडिओत पाहायला मिळत आहे.
कोलकाता नाईट रायडर्सच्या खेळाडूंसाठी प्रवीण तांबेच्या बायोपिकचं स्पेशल स्क्रिनिंग ठेवण्यात आलं होतं. सर्व खेळाडूंसोबत चित्रपट पाहिल्यानंतर प्रविण भावुक झाल्याचं पाहायला मिळालं. चित्रपट संपल्यानंतर त्यांच्या डोळ्यात पाणी आलं. काय बोलावं त्यांना सुचलं नाही, पण स्वप्न पाहणं कधीही सोडून नका, ती कधीना कधी पूर्ण होतातच, असा मोलाचा सल्ला त्यांनी सर्वांनाच दिला.
सर्वांच्याच आयुष्यात चढउतार असतात, पण एखाद्याच्या बाबतीत परिस्थिती जास्तच कठोर होतो. १७-१८ व्या वर्षी आयपीएलमध्ये पदार्पण करणारे खेळाडू असताना वयाच्या ४१ व्या वर्षी प्रविण तांबे यांनी पहिली आयपीएचा सामना खेळला. यावरून त्यांचं क्रिकेटप्रेम, स्वप्नांचा पाठलाग करण्याची जिद्द दिसून येते. फक्त खेळाच्याच बाबतीत नव्हे तर वैयक्तीक आयुष्यात आलेले अनेक प्रसंग मनाला चटका लावून जातात, अशा प्रतिक्रिया प्रेक्षकांकडून येत असतानात स्वत:चा भुतकाळ पुन्हा पाहताना प्रविण तांबे यांची झालेली अवस्था एका व्हिडिओत पाहायला मिळत आहे.