मुंबई: 'विक्रांत रोना' सिनेमाच्या प्रमोशनमध्ये व्यग्र असणाऱ्या किच्चा सुदीपच्या (Kichcha Sudeepa Health Update) आरोग्यासंदर्भात एक महत्त्वाची बातमी समोर आली आहे. मीडिया रिपोर्ट्सनुसार किच्चा सुदीपला करोनाची लागण (Kichcha Sudeepa Corona Positive) झाली असून त्यामुळे त्याला रुग्णालयात भरती करण्यात आले होते. सध्या डॉक्टरांनी उपचारानंतर त्याला डिस्चार्ज दिला असून सध्या घरीच आराम करण्याचा सल्ला दिला आहे. त्यामुळे सुदीपच्या विक्रांत रोना प्रमोशन थांबल्याचे वृत्त आहे.
हे वाचा-बाथरुममध्ये कोसळल्याने गायकाच्या डोक्याला दुखापत; एअरलिफ्ट करण्याची आली वेळ
सुदीपचा सिनेमा विक्रांत रोना २८ जुलै रोजी प्रदर्शित होणार आहे. या सिनेमात त्याच्यासह बॉलिवूड अभिनेत्री जॅकलिन फर्नांडिस देखील आहे. अनुप भंडारी दिग्दर्शित या सिनेमातील गाणीही सध्या सोशल मीडियावर व्हायरल होत आहेत. अभिनेता या सिनेमाविषयी विविध अपडेट सोशल मीडियावर शेअर करतो आहे. मात्र सिनेमा रीलिजच्या काही दिवस आधी मुख्य अभिनेता कोरोना पॉझिटिव्ह आढळून आल्याने चाहत्यांमध्ये आणि सिनेमाच्या निर्मात्यांमध्ये चिंतेचं वातावरण आहे.
किच्चा सुदीप गेल्या काही दिवसांपासून माध्यमांमध्ये चर्चेचा विषय ठरला होता. त्याच्या हिंदी भाषेविषयी वक्तव्यानंतर सोशल मीडियावर वादंग उठला होता. सुदीपचे बॉलिवूड अभिनेता अजय देवगणसह ट्विटर वॉर देखील पाहायला मिळाले.
हे वाचा-अटारी एन्काउंटर संपलं, मूसेवाला हत्याकांडातले चारही शूटर ठार
२ सप्टेंबर १९७१ साली जन्मलेल्या किच्चा सुदीपने केवळ दाक्षिणात्य सिनेमाच नव्हे तर बाॉलिवूडमध्येही काम केले आहे. १९९७ साली आलेल्या Thayavva मधून त्याने अभिनय क्षेत्रात पदार्पण केले. त्याने २००८ साली बॉलिवूडमध्ये 'फूंक' सिनेमातून पदार्पण केले होते. याशिवाय सलमान खानच्या दबंग ३ मध्येही त्याच्या अभिनयाची विशेष चर्चा झाली होती.