अ‍ॅपशहर

'पावनखिंड' झळकलेला हा अभिनेता आहे तरी कोण? भूमिकेचं झालं कौतुक

न्यू नॉर्मल म्हणत मनोरंजनविश्वातील प्रत्येक माध्यमानं नव्या जोमानं सुरुवात केली. सिनेविश्व नव्या कलाकारांना संधी देत नवीन कलाकृती घेऊन आलं. या कलाकृतींमध्ये दिसणारे नवीन चेहरे प्रेक्षकांना भावले. महत्त्वाच्या भूमिकांमध्ये दिसणाऱ्या या कलाकारांसाठी हे वर्ष खास ठरलं आहे.

Authored byभाग्यश्री रसाळ | महाराष्ट्र टाइम्स.कॉम 22 Mar 2022, 2:19 pm
अवनी परांजपे
महाराष्ट्र टाइम्स.कॉम शिवराज वायचळ


नाटक, चित्रपट, मालिका, वेब सीरिज अशा सर्वच माध्यमातलं एक प्रसिद्ध नाव म्हणजे शिवराज वायचळ. आपल्या भूमिकांमधून ठसा उमटवणारा शिवराज हा एक अभिनेता आणि दिग्दर्शक आहे. पण अनेकांना त्याची चित्रकार असल्याची बाजू माहीत नाही. शिवराज हा अभिनेता असण्याबरोबरच एक उत्तम चित्रकारसुद्धा आहे.

शिवराजनं भारतीय विद्यापीठातून फाइन आर्ट्स या क्षेत्रातून शिक्षण घेतलं आणि याच क्षेत्रात पुढे काहीतरी करायचा त्याचा विचार होता. पण बारावीनंतर त्यानं हे शिक्षण घेतानाच त्याचा नाटकाचा प्रवासही सुरू केला. त्याच्या घरच्यांच्या भक्कम पाठिंब्यामुळे नाटक आणि फाइन आर्ट्स या दोन्हींचा समतोल त्याला सांभाळता आला. नाटकाच्या संहितेकडे बघण्याचा दृष्टिकोन, कम्पोझिशन, कल्पनाशक्ती या सगळ्याचा फायदा त्याला नाटकाच्या प्रवासातही झाला.

View this post on Instagram A post shared by Shivraj Waichal (@shivrajwaichal)

'चित्रं ही खूप वैयक्तिक गोष्ट आहे. एखाद्या रंगाचा किंवा चित्राचा अर्थ प्रत्येक माणसासाठी वेगळा असू शकतो. त्यामुळे चित्रकलेला कुठल्याही साच्यात बसवणं शक्य नाही', असं शिवराज म्हणतो. पुण्यातील थिएट्रोन एंटरटेन्मेंट या नाटकाच्या संस्थेचा तो एक सदस्य आहे. त्या संस्थेच्या विविध नाटकाचे पोस्टर्स त्यानंच बनवले आहेत. सध्या सुरू असलेल्या 'अडलंय का' या नाटकाचं पोस्टरसुद्धा शिवराजनंच तयार केलं आहे. हे करताना संपूर्ण नाटक लक्षात घेऊन त्याच्यातील काही महत्त्वाचे पैलू पोस्टरवर झळकायला हवेत याचा विचार करून तो हे तयार करतो. डिजिटल माध्यमातून किंवा त्याच्या डायरीमध्ये रोज चित्र काढून शिवराजनं त्याचा सराव सुरू ठेवला आहे. पुढे काही वर्षांत शिवराजला त्याचा स्वतःचा स्टुडिओसुद्धा काढायचा आहे.
लेखकाबद्दल
भाग्यश्री रसाळ
" महाराष्ट्र टाइम्स ऑनलाइनमध्ये सीनिअर डिजीटल कन्टेंट प्रोड्युसर या पदावर कार्यरत. ऑनलाइन पत्रकारिता क्षेत्रात सोशल मीडिया प्लॅटफॉर्म हाताळण्याचा सहा वर्षांचा अनुभव. सामाजिक, व्हायरल तसंच मनोरंजन क्षेत्रातील बातम्यांच्या लिखाणाची आवड."... आणखी वाचा

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज