Pushpa The Rise Movie: ३०० कोटींची कमाई करणाऱ्या 'पुष्पा'साठी अल्लू अर्जुन आणि रश्मिकाने किती घेतलेलं मानधन

मुंबई- 'पुष्पा हा २०२१ सालचा साऊथचा सर्वात लोकप्रिय चित्रपटांपैकी एक आहे. या चित्रपटतील लोकप्रिय गाणी असो किंवा अल्लू अर्जुनचे संवाद सिनेमातील प्रत्येक गोष्ट हिट झाली आहे. या सिनेमाच्या कथेने प्रेक्षकांना तर भुरळ घातलीच आहे. लाल चंदनाच्या तस्करीवर आधारित 'पुष्पा' ने बॉक्स ऑफिसवर ३०० कोटींहून अधिक व्यवसाय केला. करोनाच्या काळात हा नवा विक्रम आहे.

विभक्त झाल्यावरही एकाच हॉटेलमध्ये राहतात धनुष- ऐश्वर्या?

अभिनेता अल्लू अर्जुन आणि अभिनेत्री रश्मिका मंदाना यांच्या जोडीने सर्वांचं लक्ष वेधून घेतलं होतं, पण सिनेमातील खलनायकांनी देखील प्रेक्षकांच्या मनात विशेष स्थान निर्माण केलं आहे. 'पुष्पा'मध्ये एक- दोन नाही तर चार खलनायक आहेत. पण तरीही 'भंवर सिंग'ची भूमिका साकारणारा सुपरस्टार फहाद फासिल खूप चर्चेत आहे. त्याच्या धडाकेबाज शैलीमुळे त्याचं कौतुक होत आहे. सिनेमाच्या निर्मितीत प्रचंड गुंतवणूक करण्यात आली होती. तसंच अल्लू अर्जुन आणि रश्मिका मंदाना सारख्या प्रसिद्ध कलाकारांनीही तगडं मानधन घेतलं आहे.


'पुष्पा'साठी अभिनेता अल्लू अर्जुनचं खूप कौतुक झालं आहे. या चित्रपटासाठी ३०० कोटींची कमाई करण्याचं श्रेयही त्याला जातं. त्याचा दमदार अभिनय, डायलॉग डिलिव्हरी, डान्स आणि अॅक्शन अवतार यांचं खूप कौतुक झालं आहे. 'बॉलिवूड लाईफ'च्या माहितीनुसार, अल्लू अर्जुनने 'पुष्पा' चित्रपटासाठी सुमारे ५० कोटी रुपयांचं मानधन घेतलं आहे. या चित्रपटात रश्मिकाने अल्लू अर्जुनच्या प्रेयसीची भूमिका साकारली आहे. 'रश्मिकाने 'पुष्पा'साठी ८ ते १० कोटी रुपयांं मानधन घेतलं आहे.

सलमानच्या शेजारच्यांचा दावा- पनवेलचं फार्महाऊस दफन भूमी

या चित्रपटाच्या यशात खलनायकांचाही विशेष सहभाग आहे. यात इन्स्पेक्टर 'भंवर सिंग'ची भूमिका मल्याळम अभिनेता फहाद फासिलने साकारली आहे. फहादची एण्ट्री चित्रपटाच्या शेवटी होते पण त्याचा अंदाज प्रेक्षकांना खास भावला. या पात्राने 'पुष्पा' च्या दुसऱ्या भागाबद्दलची उत्सुकता निर्माण केली आहे. फहादने 'भंवर सिंह' या व्यक्तिरेखेसाठी सुमारे साडेतीन कोटी रुपयांच मानधन घेतलं आहे.


'पुष्पा' गाण्यांच्या लोकप्रियतेमागे संगीतकार देवी श्री प्रसाद यांचा हात आहे. या चित्रपटाच्या हिंदी गाण्यांना ही प्रेक्षकांचा उत्तम प्रतिसाद मिळाला आहे. संगीतकार देवी श्री प्रसाद यांनी 'पुष्पा'साठी ३ ते ५ कोटी रुपयांचं मानधन घेतलं आहे. सिनेमाचं दिग्दर्शन सुकुमार यांनी केलं आहे. विशेष म्हणजे सुकुमार यांननी अनेक हिट सिनेमे दिले आहेत. अल्लू अर्जुनला 'आर्या' चित्रपटाने इंडस्ट्रीत प्रसिद्धी मिळाली आणि त्याचं दिग्दर्शन सुकुमार यांनी केलं होतं. 'पुष्पा'साठी सुकुमार यांना २५ कोटींचं मानधन मिळाले आहे.


'पुष्पा' चित्रपटातील सामंथा रुथ प्रभूच्या 'ओ अंतवावा' या गाण्याने सोशल मीडियावर धुमाकूळ घातला आहे. या एका गाण्यासाठी सामंथाने दीड कोटी रुपयांचं मानधन घेतलं. 'पुष्पा'मधील महिला खलनायिकेच्या भूमिकेत अनसूया भारद्वाजचंही नावं येतं. तिने या चित्रपटासाठी दीड ते दोन कोटी रुपयांचं मानधन घेतलं आहे.