हे नक्कीच सोपं नाही! गौरी खानला सोसावा लागतोय शाहरुखची पत्नी असल्याचा फटका, म्हणाली-

मुंबई- बॉलिवूड निर्माता आणि दिग्दर्शक करण जोहरचा टॉक शो 'कॉफी विथ करण 7' सध्या चर्चेत आहे. सुपरस्टार शाहरुख खानची पत्नी गौरी खान, संजय कपूरची पत्नी महीप कपूर आणि चंकी पांडेची पत्नी भावना पांडे या शोमध्ये नवीन पाहुणे बनल्या आहेत. हे तिघे खूप दिवसांपासून खूप खास मित्र आहेत आणि त्यांच्या मुलीही लहानपणापासूनच्या चांगल्या मैत्रिणी आहेत. शोचा हा भाग 22 सप्टेंबर रोजी डिस्ने प्लस हॉटस्टारवर प्रसारित होणार आहे. या एपिसोडमध्ये तिघांनीही त्यांच्या वैयक्तिक, घरगुती आणि व्यावसायिक आयुष्यातील खास गोष्टी शेअर केल्या आहेत.

चिरफाड न करता राजू यांचं केलं पोस्टमॉर्टम, जाणून घ्या असं का केलं

शाहरुखला ठरवले दोषी

शाहरुख खान सुपरस्टार आहे, त्यामुळे साहजिकच सर्वांचे लक्ष त्याची पत्नी गौरी खानकडे असते. गौरी खान स्वतः एक इंटिरिअर डिझायनर आहे आणि तिने तिचे घरदेखील सजवले आहे. मात्र, शाहरुखची पत्नी असल्यामुळे तिची व्यावसायिक प्रगती झाली नसल्याचे गौरीने या शोमध्ये म्हटले. गौरी म्हणाली की लोक तिला तिच्या कामामुळे नाही तर शाहरुख खानची पत्नी म्हणून ओळखतात.


'लोक काम देत नाहीत'

गौरी खान म्हणाली की अनेक लोक तिला काम देऊ शकत नाहीत कारण त्यांना वाटते की ती सुपरस्टार शाहरुख खानची पत्नी आहे आणि ती त्यांच्या आवाक्याबाहेर आहे. गौरी म्हणाली, 'जेव्हा नवीन प्रोजेक्ट येतो तेव्हा फक्त काही लोक मला डिझायनर म्हणून पाहतात. कधी कधी असं होतं की, मी शाहरुख ची बायको असल्यामुळे माझ्याकडे येत नाही. त्यामुळे लोक माझ्याकडे कामासाठी येतच नाहीत.

राजू श्रीवास्तव यांची अखेरची इच्छा कुटुंबिय पूर्ण करतील का?

करणच्या शोमध्ये अनेक सेलिब्रिटी आले

तसे, करण जोहरच्या या टॉक शोमध्ये गौरी खानच्या आधी रणवीर सिंग, आलिया भट्ट, अक्षय कुमार, सामंथा रुथ प्रभू, सारा अली खान, जान्हवी कपूर, कतरिना कैफ, विकी कौशल, सिद्धार्थ मल्होत्रा, कियारा आडवाणी, शाहिद कपूर, ईशान खट्टर, अनन्या पांडे, विजय देवरकोंडा, सिद्धांत चतुर्वेदी, करिना कपूर आणि आमिर खान यांसारखे अनेक सेलिब्रिटी येऊन गेले आहेत.