‘बहिर्जी’ स्वराज्याचा तिसरा डोळा... चित्रपटाचं पोस्टर प्रदर्शित
छत्रपती शिवाजी महाराज यांच्या आयुष्यातील काही प्रसंगांवर आधारित काही चित्रपट नुकतेच येऊन गेले.
महाराष्ट्र टाइम्स.कॉम 26 Oct 2020, 5:04 pm
मुंबई : छत्रपती शिवाजी महाराज यांच्या आयुष्यातील काही प्रसंगांवर आधारित काही चित्रपट नुकतेच येऊन गेले. आगामी काळात असे आणखीही काही चित्रपट प्रेक्षकांच्या भेटीला येणार आहेत. छत्रपतींचे अत्यंत विश्वासू शिलेदार असलेल्या बहिर्जी नाईक यांच्यावर आधारित एक चित्रपट तयार होत आहे. ‘बहिर्जी’ स्वराज्याचा तिसरा डोळा असं या चित्रपटाचं नाव आहे. या चित्रपटाचं पोस्टर नुकतंच प्रदर्शित झालं असून, नेमके कोणते कलाकार या चित्रपटात दिसणार, चित्रपट कोण दिग्दर्शित करणार याकडे सिनेप्रेमींचं लक्ष लागून राहिलं आहे.
स्वराज्यनिर्मितीचं स्वप्न सत्यात उतरवण्यासाठी शिवरायांना मोलाची साथ लाभली ती त्यांच्या नीडर मावळ्यांची. शत्रूच्या गोटात शिरुन तिथली खडा न् खडा खबर आणण्याची महत्त्वपूर्ण जबाबदारी बहिर्जींनी खुबीनं पार पाडली होती. पराक्रमी आणि महाराजांच्या खास मर्जीतील असलेल्या बहिर्जी यांच्या भूमिकेत कोणता अभिनेता असणार आहे याची प्रेक्षकांना उत्सुकता असेल. लेखक किरण माने यांनी या चित्रपटासाठी लेखनाची धुरा सांभाळली आहे.
आरपीआयचा झेंडा हाती घेत पायल घोषची राजकारणात एन्ट्री
तसंच अभिनेते प्रविण विठ्ठल तरडे लिखित, दिग्दर्शित 'सरसेनापती हंबीरराव' हा भव्य ऐतिहासिक चित्रपट लवकरच प्रेक्षकांच्या भेटीला येणार आहे. या ऐतिहासिक चित्रपटात छत्रपती शिवाजी महाराज आणि छत्रपती संभाजी महाराज यांच्या कारकीर्दीत स्वराज्याचे सेनापती म्हणून शौर्य गाजविलेल्या सेनापती हंबीरराव मोहिते यांच्या पराक्रमाची गाथा पाहायला मिळणार आहे. स्वतः तरडे यात ही भूमिका निभावत आहेत. या चित्रपटासाठी त्यांनी वजनही वाढवलं आहे. ‘ऐतिहासिक व्यक्तिरेखा या तरुणांना प्रेरणा देणाऱ्या असतात, त्यामुळे त्या साकारताना कलाकारांनी तशी शरीरयष्टी घडवणंही गरजेचं आहे,’ असं तरडे सांगतात.
स्वराज्यनिर्मितीचं स्वप्न सत्यात उतरवण्यासाठी शिवरायांना मोलाची साथ लाभली ती त्यांच्या नीडर मावळ्यांची. शत्रूच्या गोटात शिरुन तिथली खडा न् खडा खबर आणण्याची महत्त्वपूर्ण जबाबदारी बहिर्जींनी खुबीनं पार पाडली होती. पराक्रमी आणि महाराजांच्या खास मर्जीतील असलेल्या बहिर्जी यांच्या भूमिकेत कोणता अभिनेता असणार आहे याची प्रेक्षकांना उत्सुकता असेल. लेखक किरण माने यांनी या चित्रपटासाठी लेखनाची धुरा सांभाळली आहे.
आरपीआयचा झेंडा हाती घेत पायल घोषची राजकारणात एन्ट्री
तसंच अभिनेते प्रविण विठ्ठल तरडे लिखित, दिग्दर्शित 'सरसेनापती हंबीरराव' हा भव्य ऐतिहासिक चित्रपट लवकरच प्रेक्षकांच्या भेटीला येणार आहे. या ऐतिहासिक चित्रपटात छत्रपती शिवाजी महाराज आणि छत्रपती संभाजी महाराज यांच्या कारकीर्दीत स्वराज्याचे सेनापती म्हणून शौर्य गाजविलेल्या सेनापती हंबीरराव मोहिते यांच्या पराक्रमाची गाथा पाहायला मिळणार आहे. स्वतः तरडे यात ही भूमिका निभावत आहेत. या चित्रपटासाठी त्यांनी वजनही वाढवलं आहे. ‘ऐतिहासिक व्यक्तिरेखा या तरुणांना प्रेरणा देणाऱ्या असतात, त्यामुळे त्या साकारताना कलाकारांनी तशी शरीरयष्टी घडवणंही गरजेचं आहे,’ असं तरडे सांगतात.