या गोष्टींसाठी मी लग्न केलं , पत्नीधर्म निभावला, पण...घटस्फोटाबद्दल स्पष्टच बोलली मानसी नाईक

मुंबई: मराठी सिनेसृष्टीतील अभिनेत्री मानसी नाईक सध्या खासगी आयुष्यामुळं चर्चेत आली आहे. गेल्या काही दिवसांपासून तिचं वैवाहिक आयुष्य संकटात असल्याच्या चर्चा सुरू आहेत. यावर आता तिनं मौन सोडलं आहे. होय, मी घटस्फोटासाठी अर्ज दाखल केलाय, असं तिनं एका मुलाखतीत स्पष्ट केलं आहे.

मानसीनं गेल्या वर्षी म्हणजे २०२१मध्ये जानेवारी महिन्यात प्रदीप खरेरा याच्यासोबत लग्नगाठ बांधली. पण लग्नाला एक वर्ष झाल्यानंतर आता तिनं घटस्फोट घेण्याचा निर्णय घेतला. मानसीनं घटस्फोटाचा निर्णय घेतल्यानंतर सर्वांनाच धक्का बसला होता. कारण मानसीनं लग्न करण्याचा निर्णय घेतल्यानंतर चाहत्यांना मोठं सरप्राइज मिळालं होतं. मानसी प्रचंड खूष होती. लग्नानंतरही मानसी आणि प्रदीप सोशल मीडियावर सक्रिय होते, त्यांच्या सुखी संसाराचे अनेक किस्से त्यांनी युट्यूब चॅनेलवर शेअर केले होते. मग, नेमकं असं काय झालं की की मानसीनं प्रदीपला घटस्फोट देण्याचा निर्णय घेतला? असा प्रश्न तिला विचारला जात आहे.
गोखले काका आणि माझे बाबा भाऊ नव्हते आणि आमच्यात कोणतंही नातं... व्हायरल पोस्ट्सवर सखी संतापली

'ई-सकाळ'नुकत्याच दिलेल्या एका मुलाखतीत मानसीनं घटस्फोट आणि करिअर या गोष्टींवर भाष्य केलं आहे. प्रत्येक मुलीसारखं माझंही एक छान स्वप्न होतं. माझं कुटुंब असावं, असं मला वाटायचं. आयुष्यात राजकुमार यावा, असं प्रत्येक मुलीला वाटतं. तसं मलाही वाटायचं. मला घरातलं काम, देवधर्म , पूजा या गोष्टीही करायला आवडतं. त्यामुळं मला आधीपासूनच लग्न करायचं होतं. पण असं होतं की, चुकीच्या व्यक्तीच्या आयुष्याचा भाग होतो, असं मानसी म्हणते. यासाठी मी नशिबाला दोष देणार नाही. मी दोन्ही घरच्या संस्कृती जपण्याचा प्रयत्न केला. पत्नीधर्म निभावला असंही मानसीनं म्हटलं आहे.

घटस्फोटाचं कारण आलं समोर, मानसी नाईकचे प्रदीप खरेरावर गंभीर आरोप, त्याने फक्त पैशांसाठी...
प्रदीपवर गंभीर आरोप...
मानसीनं प्रदीपवर गंभीर आरोप केलं आहे. प्रदीपवर गंभीर आरोप करत मानसी म्हणाली की, काही लोक फक्त प्रसिद्धी आणि पैसा मिळवण्यासाठी एखद्या व्यक्तीशी नातं जोडतात. पैसे मिळतात, प्रसिद्धी मिळतेय तोपर्यंत ते चांगले असतात, त्यांच्याकडून मिळेल तेवढं घेतातात. असंच काही तरी माझ्यासोबत झालं. सध्या यावर जास्त बोलता येणार नाही, पण बऱ्याच गोष्टी आहेत, ज्या लवकरच सर्वांसमोर आणायच्या आहेत, असंही मानसीनं स्पष्ट केलंय.